मत्ती 11:7 - बिलासपुरी नौआं नियम

⁷ ताहली जे यूहन्ने रे चेले तित्थी ते दूर जाया रां थे, तां यीशु यूहन्ने रे बारे च लोकां रिया भीड़ा ने बोलणे लगया, “तुहें इस सुनसान जगह च क्या देखणे गै थे? तुहें तित्थी हवा च हिलदे किसी लम्बे घा जो देखणे तनी गये थे!

मत्ती 11:7 ပူးပေါင်းရင်းမြစ်များ

मत्ती 11:8

तां फेरी तुहें क्या देखणे गईरे? क्या इक माहणु तिने जे बड़े मैंहगे कपड़े पैहनीरे? नां! देक्खा, सै जे मैंहगे कपड़े पैहनां ये, सै त मैहलां ची रैयां ये।

मत्ती 12:20

जिस किसी जो बी कोई समस्या इ सै इक बुझदे हुए दिऊए साई आ प्रभुये तिसरा नुक्शान नीं होणे देणा, पर आखिर च तिस न्याय करवाएगा।

मत्ती 21:25

दस्सा यूहन्ने जो बपतिस्मा किति ते मिलया? परमेशरा ते या माहणुये ते?” सै अप्पूँ चियें गल्ल बात करदे हुये गलाणे लगे, “जे अहें बोलां ये ‘परमेशरा ते’ तां इस अहांते पुछणा ‘फेरी तुहें तिस पर विश्वास काँह नीं करदे?’

मत्ती 3:5

तिस बगत यरूशलेम नगरा रे कने सारे यहूदिया प्रदेशा रे, कने यरदन रे आसे-पासे रे सारे इलाके रे लोक तिसले आईने कट्ठे हुईगे।

लूका 8:18

इस खातर, सै जे मेरिया गल्ला जो ध्याना ने सुणां कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।”

यूहन्ना 1:38

कने ताहली जे यीशुये मुड़ीने देख्या भई सै पिच्छे आई कराँ ये तां तिने तिन्हाते पुच्छया, “तुहांजो क्या चाहिन्दा?” तिन्हे तिसजो जबाब दित्या, “गुरू जी, तुहांरा रैहणे रा ठकाणा किति आ?”

यूहन्ना 5:35

यूहन्ना तिस दिऊए साई था सै जे बल़िने रोशनी देआं, कने तुहांजो थोड़िया देरा खातर तिसरिया जोता च मगन हूणा ठीक लगया।

इफिसियां 4:14

तां हुण ते अहौं बच्चे साई नीं रैहणा चाहिन्दा। अहें तिसा किश्तिया साई नींये सै जे समुद्रा रियां लहराँ सौगी इतखा-उतखा भटकीने रस्ता बदलदी रैईं। इसरा मतलब येआ भई चलाक कने छली लोक अहांजो अपणिया झुट्ठिया शिक्षां ते बैहकाई नीं सक्को।

याकूब 1:6

पर ताहली जे सै मंग्गो, सै विश्वासा ने मंग्गो कने थोड़ा जेआ बी शक नीं करो काँह्भई तिस्सो जे शक हुआं सै समुद्रा रिया तिसा लैहरा साई आ सै जे हवा ने उट्ठां इ कने कम्बां इ।