मत्ती 11:6 - बिलासपुरी नौआं नियम

⁶ कने परमेशर तिन्हांजो आशीष देआं, सै जे माह पर विश्वास करना नीं छडदा।”

मत्ती 11:6 ပူးပေါင်းရင်းမြစ်များ

मत्ती 13:21

पर वचन तिन्हांरे दिलां री गहराईया तक नीं जान्दा, सै सिर्फ किछ वगता खातर विश्वास कराँ ये। सै तिन्हां बुटयां साई हुआं ये तिन्हांरियां जड़ां जे डुग्गियां नीं हुन्दियां; ताहली जे कोई दुज्जा तिन्हां सौगी बुरा बर्ताव करो या परमेशरा रे बचना पर विश्चास करने रिया वजह ने तिन्हांजो परेशान करो, तां सै लोक परेशान हुईने इकदम बचना पर विश्वास करना छड्डी दें।

मत्ती 18:7

ये किसी रे खातर कितना भयानक हूणा सै जे दुज्यां रे खातर पाप करने री वजह बणां। गल़त करने खातर परख जरूरी, पर ये परख करने औल़े माहणुये रे खातर कितना भयानक हूणा।

मत्ती 24:10

तिस बगत बौहत लोकां माह पर विश्वास नीं करना, कने इक दुज्जे जो दुश्मणां रे हत्थे पकड़वाणा, कने अप्पूँ बाटियें बैर रखणा।

मत्ती 26:31

फेरी यीशुये तिन्हांने गलाया, “आज्ज राति जो तुहां सारयां रा माह परा ते विश्वास टुटी जाणा, काँह्भई पवित्रशास्त्रा च लिखिरा : माह चरवाहा मारना, कने भेड्डां बिखरी जाणियां।

मत्ती 5:29

पाप करने रिया हरेक वजह जो दूर करा! इसजो पूरे तरिके ने अस्वीकार करा। काणा हुईने तेरा स्वर्गा जो जाणा बौहत अच्छा, बजाये इसरे भई तेरियां दो आक्खीं हुन्दे हुये तिज्जो नरका रिया तिसा अग्गी च पाया जाओ सै जे कदीं मनी बुझणी।

मरकुस 6:3

तिन्हें ये बोल्लीने तिसरा अपमान कित्या, क्या ये सिर्फ इक लकड़िया रा मिस्त्री निआं? सै जे मरियम रा पुत्र, याकूब, योसेस, यहूदा कने शमौना रा भाई आ। क्या इस रियां बैहणीं येत्थी अहांरे बिच नीं रैहन्दियां?” इस खातर तिन्हें तिसजो ग्रहण नीं कित्या।

लूका 2:34

फेरी शमौने तिन्हाजो आशीष दित्ति, कने तिने तिसरी माता मरियमा ने गलाया, “ये न्याणा परमेशरा री चुणीरी नशाणी इ। इस्राएल रे बौहत लोकां तिसरा इन्कार करना, कने सैई गल्ल कईयां रे उजड़ने री वजह बणनी, पर तिस बौहत लोकां रे खातर आशीषा री वजह बणना।

लूका 7:23

कने परमेशर तिस माहणुये जो आशीष देआं सै जे माह पर विश्वास करना नीं छडदा।”

यूहन्ना 16:1

“हऊँ तुहांजो ये गल्लां इस खातर बोलां भई तुहांरा विश्वास नीं डगमगाओ।

यूहन्ना 6:66

इसा वजह ते यीशुये रे बौहत सारे चेले पिच्छे हटीगे कने तिन्हे यीशुये रा साथ देणा छडित्या।

1 कुरिन्थियों 2:14

पर तिस माहणुये ले जे पवित्र आत्मा नींआ सै परमेशरा रे आत्मा रियां गल्लां ग्रहण नीं करदा, काँह्भई सै तिसरियां नज़राँ च मूर्खता रियां गल्लां इयां, कने सै तिन्हांजो नीं जाणी सक्कां, काँह्भई तिन्हांरी परख आत्मिक रितिया ने हुआं इ।

गलातियां 5:11

पर मेरे साथी विश्वासियो, जे हऊँ हुण तक खतने रा प्रचार करदा, तां मिन्जो हुण तक सताया नीं जान्दा, जे हुण तक हऊँ मसीह रे क्रूसा ते इलावा खतने रिया जरूरता रा प्रचार करदा हुन्दा, तां हऊँ यहूदियां जो नराज नीं करदा।

1 पतरस 2:8

कने पवित्रशास्त्र बी बोलां, “येई पत्थर आ तिसते जे लोकां जो ठोकर लगां इ कने चट्टान तिन्हांजो थल्ले सट्टां इ।” तिन्हांजो ठोकर लगां इ, काँह्भई सै परमेशरा रे सन्देशा पर विश्वास नीं करदे, तिन्हांरे खातर ये परमेशरे तैह कित्या था।