मत्ती 11:23 - बिलासपुरी नौआं नियम

²³ कने तुहें कफरनहूम नगरा रे लोको, क्या तुहें सोच्चां भई तुहांजो स्वर्गा च आदर दित्या जाणा? परमेशरा तुहांजो अधोलोका च सटणा! काँह्भई सै सामर्था रे काम्म जे तू च कित्तिरे, जे सै सदोम नगरा च कित्ते हुन्दे, तां सै नगर अज्जा तक टिक्कीरा हुन्दा।

मत्ती 11:23 ပူးပေါင်းရင်းမြစ်များ

मत्ती 10:15

हऊँ तुहांजो सच्च बोलां, भई ताहली जे न्याय हूणा, तिस दिन तिस गाँवां री दशा ते सदोम कने अमोरा रे नगराँ री हालत जादा सैहणे लायक हूणी।

मत्ती 16:18

हऊँ बोलां भई तू पतरस आ, कने तू माह च विश्वास करने औल़यां निऊँ हूणा, तियां जे भई इक बड्डी चट्टान किसी घरा री निऊँ हुआं इ; कने तिस पर मौती रा कोई जोर नीं चलना।

मत्ती 17:24

ताहली जे यीशु कने तिसरे चेले कफरनहूम नगरा च आये, तां मन्दरा रा कर बसूलणे औल़े पतरसा ले आये कने पुच्छया, “क्या तुहांरा गुरू मन्दरा रा कर नीं देन्दा?”

मत्ती 4:13

कने सै नासरत जो छड्डिने कफरनहूम रे तिस इलाके च गया सै जे गलील दरयावा रे कनारे बसीरा था, तित्थी जे जबूलून कने नप्ताली गोत्राँ रे लोक रैयां थे।

मत्ती 8:5

फेरी ताहली जे सै कफरनहूम नगरा च आया तां इक रोमी सेनापतिये तिसले आईने बिनती कित्ती, भई सै आईने मेरी मदद करो,

लूका 10:15

अरे कफरनहूम नगर, तू क्या सोच्चां भई स्वर्गा च परमेशरा तेरा आदर करना? नां, तुज त थल्ले अधोलोका च पौणा।

लूका 14:11

काँह्भई सै जे कोई अप्पूँजो महान समझगा, तिसजो परमेशरा नम्र बनाणा, पर सै जे कोई अप्पूँजो नम्र बणांगा, तिस्सो परमेशरा आदर देणा।”

लूका 16:23

कने तिसरी आत्मा नरका च चलीगी। तित्थी पीड़ा च तड़फदे हुये ताहली जे तिने ऊपर देख्या तां दूरा ते तिस्सो इक्की जगह लाजर अब्राहमा रे नेड़े बैठिरा सुझया।

लूका 4:23

फेरी यीशुये तिन्हाजो गलाया, “शायद तुहां मेरे ऊपर ये कहावत जरूर बोलणी, भई बैद अप्पूँजो ठीक कर! कने जो किछ अहें सुणया भई जिस तरिके ने जे तैं कफरनहूम नगरा च सामर्था रे काम्म कित्ते, तिस तरिके ने येत्थी अपणे नगरा च काँह नीं करदा?

प्रेरितां 2:27

काँह्भई तू मेरे प्राणा जो अधोलोका च नीं छडणा; कने नां अपणे पवित्र माहणुये जो सड़ने देणा।

प्रेरितां 2:31

दाऊद राजे हुणे औल़ियां गल्लां जो पैहले तेई देखीने मसीह रे जिऊंदा हुणे रे बारे च भविष्यवाणी कित्ती भई नांत तिसरा प्राण अधोलोका च छडया गया कने नां तिसरी देह सड़ने पाई।

यहूदा 1:7

ये इस्राएली कने स्वर्गदूतां साई सदोम, अमोरा कने तिसरे आसे-पासे रे नगरा रे लोकां जो बी याद करा, सै जे व्यभिचारी हुईगरे थे कने पराये शरीरा रे पिछे लगीरे थे, तां परमेशरे तिन्हांजो अग्गी ने नाश करित्या। ये तिन्हां झूट्ठे शिक्षकां रे खातर चेतावनी हुआं इ भई तिन्हां बी अनन्त काल रिया अग्गी ते सजा पाणी।

प्रकाशितवाक्य 1:18

हऊँ जिन्दगिया रा सोता; हऊँ मरी चुक्कीरा था, पर हुण हऊँ हमेशा खातर जीवित आ। मौत कने अधोलोका रियां चाबियाँ मेरले इयां।

प्रकाशितवाक्य 11:8

तिन्हांरियां लाशां तिस बड्डे नगरा री गल़िया च पई रियां रैहणियां, सै जे प्रतीक तौर पर सदोम नगर कने मिस्र देशा साई आ; तित्थी जे तिन्हांरा प्रभु क्रूसा पर चढ़ाया गईरा था।

प्रकाशितवाक्य 20:13

कने समुद्रे तिन्हां मूईरयां जो सै जे तिसच थे दईत्या; कने मौती कने अधोलोके तिन्हां मूईरयां जो सै जे तिन्हां च थे देईत्या; कने तिन्हां चते हरेक रे कम्मां रे मुतावक तिन्हांरा न्याय कित्या गया।

प्रकाशितवाक्य 6:8

मैं इक हल्के पिऊल़े रंगा रा घोड़ा देख्या, कने तिसरे स्वारा रा नौं मौत आ; कने अधोलोक तिसरे पिच्छे-पिच्छे जाया राँ था; कने तिन्हांजो धरतिया रे चौथे हिस्से पर ये अधिकार दित्या गया, भई तलवार, नकाल़, महामारी, कने धरतिया रे वन पशुआं रे जरिये लोकां जो मारी दो।