मत्ती 10:41 - बिलासपुरी नौआं नियम

⁴¹ सै जे भविष्यवक्ते जो भविष्यवक्ता जाणीने ग्रहण करो, तां परमेशर भविष्यवक्ते जो सै जे ईनाम देआं तेढ़ा इ ईनाम तिस्सो देणा; कने सै जे धर्मिये जो धर्मी जाणीने ग्रहण करो, तां परमेशर धर्मिये जो सै जे ईनाम देआं तेढ़ा इ ईनाम तिस्सो देणा।

मत्ती 10:41 ပူးပေါင်းရင်းမြစ်များ

मत्ती 16:27

माहणुये रा पुत्र स्वर्गदूतां सौगी अपणे पिता रिया महिमा च औणे औल़ा, तिसजे हर किसी जो तिसरे कर्मां रे मुतावक ईनाम देणा।

मत्ती 25:44

“फेरी तिन्हां जबाब देणा, प्रभु, अहें तुहांजो भुक्खा या प्यासा या अंजाण या बिणा कपड़यां ते या बमार या बन्दी कदीं देख्या कने तेरा ध्यान नीं रखया।

मत्ती 25:45

फेरी मांह तिन्हांजो जबाब देणा, हऊँ तुहांजो सच्च बोलीराँ ताहली जे तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ नीं कित्या तां सै तुहें मेरे खातर बी नीं कित्या।

मत्ती 6:1

“खबरदार हुई जवा! परमेशर चाँह, तिन्हां खरयां कम्मां रा लोकां रे सामणे दिखावा मता करदे नईतां तुहें अपणे पिता ते, सै जे स्वर्गा चा, तिसरा किछ बी ईनाम नीं पाई सकगे।”

मत्ती 6:18

ताकि लोक ये नीं जाणे भई तू उपवास करीराँ, पर तेरा पिता तिस्सो जे तू देखी नीं सकदा, सै देक्खो भई तैं उपवास कित्तिरा। फेरी तेरा पिता सै जे तेरे छिपिने कित्तिरे सारयां कम्मां जो देक्खां, तिज्जो तिसरा ईनाम देंगा।”

मत्ती 6:4

ताकि तेरा दान छुपीरा रौ, इसरा ये नतीजा हुया भई जो किछ तू छुपीने कराँ तिस्सो प्रभु अहांरा पिता बी देक्खां, तिस तिज्जो इसरा ईनाम देणा।”

मत्ती 6:6

पर ताहली जे तू प्राथना करो, तां अपणे कमरे च जा; कने दरवाजा बन्द करीने अपणे पिता ने सै जे गुप्त जगह चा प्राथना कर; फेरी तेरा पिता सै जे सब किछ यनि गुप्त च कित्तिरी प्राथना जो बी देक्खां, तिज्जो तिसरा ईनाम देंगा।

मत्ती 7:8

काँह्भई सै जे कोई मंगां, तिस्सो मिलां; कने सै जे टोल़ां, सै पां; कने सै जे खड़कां, तिस खातर दरवाजा खोल्या जाणा।

प्रेरितां 16:15

तां जे तिसे अपणे घराने समेत बपतिस्मा लया, तां तिसे अहांने विनती किति, जे तुहें मिन्जो प्रभुये री विश्वासी समझां यें तां, चलीने मेरे घरा च रौआ, “कने सै अहांजो मनाई ने लई गई।”

रोमियो 16:23

मेरा कने सारी कलीसियां रा आदर सत्कार करने औल़े गयुस रा तुहांजो नमस्कार। इरास्तुस सै जे नगरा रा खजान्ची आ कने अहांरे साथी विश्वासी क्वारतुस रा बी तुहांजो नमस्कार।

1 कुरिन्थियों 9:17

काँह्भई जे हऊँ अपणिया इच्छा ते प्रचार कराँ, तां मिन्जो इसरा ईनाम मिलणा, कने जे अपणिया इच्छा ते प्रचार नीं करदा, तां बी मिन्जो सौपी रिया जिम्मेवारिया जो हऊँ पूरा कराँ।

इब्रानियों 6:10

काँह्भई परमेशर अन्याई निआं भई तुहांरे काम्म, कने तिस प्यारा जो भुल्ली जाओ, सै जे तुहें तिसरे लोकां री मदद करने रे जरिये तिसरे खातर दस्या। कने परमेशर याद करगा भई तुहें हुण बी लोकां री मदद करया राँये।

2 यूहन्ना 1:8

इस खातर तुहें चौकस रौआ भई ये लोक तुहांजो भरमाओ नीं, ताकि परमेशरा री सेवा करने खातर तुहांरी मेहणत बेकार नीं हुईजो, पर तुहें इसरा पूरा ईनाम पाई सक्को।