18 तुहें मांह पर विश्वास करने रिया वजह ने राजपालां कने राजयां रे सामणे पेश कित्ते जाणे, काँह्भई तुहें मेरे चेले; तुहांजो मौका दित्या जाणा भई तुहें तिन्हांजो कने अन्यजातियां जो मेरे बारे च गवाही देओ।
पर धार्मिक अगुवेयां ते चौकस हुईने रौआ, काँह्भई तिन्हां तुहांजो धोखे च बन्दी बणाईने यहूदी पंचैतां रे हवाले करना, कने तिन्हांरे सभा घरा च तुहां पर कोड़े बरसाणे।
यीशुये तिसने गलाया, “देख, इस बारे च किसी ने बी देखां बोलदा, पर जाईने अप्पूँजो याजका ले दास्स कने सै भेंट जे मूसे ठैहराईरी तिसाजो चढ़ा, ताकि सै लोक जाणी लो भई तू ठीक हुईगरा।”
“पर तुहें अपणे बारे च त्यार हुई जावा; काँह्भई लोकां तुहांजो महासभा रे हवाले करना कने तुहांजो यहूदी सभा घराँ च मारया-कुट्टया जाणा, कने मेरिया वजह ते तुहें राजपालां कने राजयां रे सामणे खड़े कित्ते जाणे, ताकि तुहें मेरे खातर गवाही देओ।
इस खातर अहांरे प्रभुये रे बारे च दुज्यां लोकां जो दसणे च शर्मिन्दा नीं हुयां कने नांई इसा गल्ला खातर शर्मिन्दा हुयां भई हऊँ तिसरे खातर कैदी आ, बल्कि परमेशर तिज्जो सै जे सामर्थ देआं तिसरा इस्तेमाल करदे हुये खुशखबरिया खातर मेरे सौगी दुख सै।
हऊँ यूहन्ना, तुहांरा साथी विश्वासी आ कने यीशु मसीह रे दुख, कने राज, कने धीरजा च तुहांरे सौगी आ। हऊँ पतमुस नौआं रे टापुये च परमेशरा रे वचना कने यीशुये री गवाही देणे रिया वजह ते कैदी था।
ताहली जे सै लोकां जो परमेशरा रे वचना रा प्रचार करीने खत्म करी बैट्ठे, तां सै पशु सै जे अथाह कुण्डा चते निकल़णा, तिन्हां पर हमला करना कने तिन्हांजो हराईने मारी देणा।
ताहली जे मेमने पंजवीं सील तोड़ी, तां मैं बेदिया रे थल्ले तिन्हांरे प्राणां जो देख्या, सै जे परमेशर रे वचनां रिया वजह ते, कने तिसा गवाहिया रिया वजह ने सै जे तिन्हें दित्ति, मारी दित्ते गये थे।