मत्ती 1:20 - बिलासपुरी नौआं नियम

²⁰ पर ताहली जे यूसुफ इस बारे च सोच्ची कराँ था, तां परमेशरा रा इक दूत सपने च तिसरे सामणे आया कने तिसने बोलणे लगया, “ओ यूसुफ! तू सै जे दाऊद राजे रे खानदाना ते आ, मरियमा जो अपणी घरा औल़ी बनाणे ते मत डर, काँह्भई सै बच्चा जे तिसारे पेट्टा चा सै पवित्र आत्मा रिया सामर्था ते आ।

मत्ती 1:20 ပူးပေါင်းရင်းမြစ်များ

मत्ती 1:18

यीशु मसीह रा जन्म इस तरिके ने हुया था : ताहली जे तिसरी माता मरियमा री मंगणी यूसुफा सौगी हुई थी, पर तिन्हांरे ब्याह ते पैहले ताहली जे सै कवारी थी पवित्र आत्मा रिया सामर्था ते भारहत्थी हुई।

मत्ती 2:12

पर परमेशरे सुफने च तिन्हांजो सावधान करित्या, भई तुहें हटिने हेरोदेस राजे ला देक्खां जान्दे, इस खातर सै किसी दुज्जे रस्ते अपणे देशा जो मुड़ीने चलीगे।

मत्ती 2:13

ताहली जे जोतषी चलीगे, तां यूसुफा जो सुफने च परमेशरा रे इक्की दूते दर्शण देईने बोल्या, “उट्ठ बच्चे जो कने तिसरिया मौआ जो लेईने चुपचाप मिस्र देशा जो चली जा; कने तदुआं तक जे हऊँ तिज्जो नीं बोलूं, तू ऊत्थी रुकयां; काँह्भई हेरोदेस राजा इस बच्चे जो मरवाणे खातर टोल़ी कराँ।”

मत्ती 2:19

यूसुफ, मरियम कने बालक यीशु हुण तक मिस्र ची थे, फेरी हेरोदेस राजे रे मरने ते बाद, मिस्र देशा च परमेशरा रे दूते यूसुफा जो सुखने च आईने गलाया,

मत्ती 2:22

पर ताहली जे यूसुफे ये सुणया भई यहूदिया प्रदेशा च अपणे पिता हेरोदेस रिया मौती ते बाद तिसरिया जगह पर अरखिलाउस राज करीराँ, तां सै ऊत्थी जाणे ते डरिग्या। पर सुखने च सै परमेशरा ते चेतावनी पाईने गलील प्रदेशा जो चलिग्या,

मत्ती 27:19

पिलातुस ताहली जे न्याय रे आसणा पर बैठिरा था तां तिसरिये जनाने तिसले इक संदेशा भेज्या, “तिस सिधे-साधे कने सच्चे माहणुये सौगी किछ बी देखां करदा, काँह्भई मैं तिसरे बारे च इक सपना देख्या तिसरे कारण आज्ज हऊँ बौहत बेचैन रैई।”

मत्ती 28:5

स्वर्गदूते जनानां ने गलाया, “डरदियां मता, हऊँ जाणाँ भई तुहें यीशुये जो टोल़ी राँईयां सै जे क्रूसा पर चढ़ाया गैईरा।

लूका 1:19

फेरी स्वर्गदूते तिसजो जबाब दित्या, “मेरा नौं जिब्राईल आ, हऊँ साक्षात परमेशरा रिया हजूरिया च खढ़िरा रेआं, तिने इ मिन्जो तुन्हांने गल्ल बात करने कने तिज्जो ये खुशखबरी सुनाणे खातर भेजीरा।

लूका 2:4

इस खातर भई यूसुफ दाऊद रे टबरा कने कुलबे रा था, तां सै बी गलील प्रदेशा रे नासरत नगरा ते यहूदिया प्रदेशा बिच दाऊद राजे रे शहर बैतलहम जो गया,

प्रेरितां 5:19

पर राति जो प्रभुये रे इक्की स्वर्गदूते जेल्ला रे दरवाजे खोली ने तिन्हांजो बाहर लयाई ने गलाया,

प्रकाशितवाक्य 19:7

औआ, अहें खुश कने मगन हुईगे, कने तिसरी स्तुति करिये, काँह्भई मेमने रे ब्याह रा वगत आई गरा, कने तिसरिये दुल्हने अप्पूँजो त्यार करी लरा।