मत्ती 1:19 - बिलासपुरी नौआं नियम

¹⁹ पर तिसारा मंगेतर यूसुफ इक भला माहणु था कने इसा गल्ला जो लोकां रे बिच परगट करीने तिसारी बदनामी नीं करना चाहन्दा था, इस खातर तिने चुपचाप तिसाने मंगणी तोड़ने रा निश्चा कित्या (काँह्भई सै ब्याह ते पैहले इ भारहत्थी पाई गई सै जे व्यवस्था रे खलाफ था)।

मत्ती 1:19 ပူးပေါင်းရင်းမြစ်များ

मरकुस 10:4

तिने गलाया, “मूसे त्याग पत्र लिखणे कने छड्डी देणे रा हुक्म दित्तिरा।”

मरकुस 6:20

काँह्भई हेरोदेस यूहन्ना जो धर्मी कने पवित्र माहणु जाणीने तिसते डराँ था, कने तिस्सो बचाई रखां था, हर बार ताहली जे हेरोदेस यूहन्ने जो बोलदे हुये सुणां, सै बौहत घबराई जां, पर फेरी भीं तिस्सो सुणना पसन्द करां था।

लूका 2:25

तिस वगत यरूशलेम नगरा च शमौन नौआं रा इक माहणु था। कने सै परमेशरा जो मनणे औल़ा कने तिसरा भगत था; सै जे इस्राएल जो शान्ति दवाणे खातर मसीह रा इन्तजार करया राँ था, कने पवित्र आत्मा तिस सौगी था।

प्रेरितां 10:22

तिने गलाया, “कुरनेलियुस सुबेदार सै जे धर्मी कने परमेशरा ते डरने औल़ा कने जितने यहूदी लोक तिसरे बारे च जाणाँ ये सै बोलां ये भई सै बौहत भला माहणु आ। इक पवित्र स्वर्गदूते तिसजो गलाया, भई शम्मौन, पतरसा जो मिलणे खातर किसी जो जोप्पा जाणे जो बोल कने तिन्हांजो येत्थी ल्याव भई जो किछ सै बोलणा चाँह तिस्सो तू सुणी पाओ।”

प्रेरितां 27:39

तां जे दिन निकल़या तां तिन्हें तिस देशा जो नीं पछयाणया, पर इक खाड़ी देखी तिसरा कनारा चौरस था, कने बचार कित्या भई जे हुई सक्को तां इस पर जहाजा जो टकाईये।

2 कुरिन्थियों 1:15

मिन्जो निश्चा था भई तुहें अहांजो थोड़ा बौहत समझी चुक्कीरे, इस खातर मैं पैहले तुहांले औणा चाँह था ताकि मेरे दो बार औणे रा आशीर्वाद तुहांजो मिली सक्को।