मत्ती 1:18 - बिलासपुरी नौआं नियम

¹⁸ यीशु मसीह रा जन्म इस तरिके ने हुया था : ताहली जे तिसरी माता मरियमा री मंगणी यूसुफा सौगी हुई थी, पर तिन्हांरे ब्याह ते पैहले ताहली जे सै कवारी थी पवित्र आत्मा रिया सामर्था ते भारहत्थी हुई।

मत्ती 1:18 ပူးပေါင်းရင်းမြစ်များ

मत्ती 1:1

ये यीशु मसीह रे खानदाना री सूची, तिसरे पूर्वज जे राजा दाऊद कने अब्राहम आ।

मत्ती 12:46

सै हल्तियें लोकां ने गल्ल बात करया इ कराँ था, भई तिसरी माता कने भाई-बन्धु तित्थी आई ने बाहर खड़ीगे; सै तिसने गल्ल करना चाँह थे।

मत्ती 2:11

सै घरा रे अन्दर गये कने तिन्हे तिसरी माता मरियमा सौगी बच्चे रे दर्शण कित्ते; तिन्हे बच्चे रे अग्गे मत्था टेक्कीने अराधना कित्ती, कने अपणा-अपणा झोल़ा खोल्ली ने कीमती तोहफे तियां जे सोना, लोबान, कने गन्धरसा (मुर्र) री भेन्ट चढ़ाई।

लूका 1:25

कने गलाणे लगी, “प्रभु कितना दयालु आ!” भई “मेरे कोई न्याणा नीं था, पर तिने मांह पर किरपा करीने मिन्जो लोकां च औत्तर हुणे री बेईज्जतिया ते बचाया।”

लूका 2:5

भई तित्थी जाई कने अपणी भारहत्थी मंगेतर मरियम सौगी नौं लखाई सक्को।

इब्रानियों 10:5

इस खातर ताहली जे मसीह इस संसारा च औणे औल़ा था, तां तिने परमेशरा ने बोल्या, बलिदान कने भेंट तैं नीं चाही, पर तैं मिन्जो इक शरीर दित्तिरा।

इब्रानियों 7:26

इस खातर येढ़ा महायाजक अहां रियां जरूरतां जो पूरा कराँ, सै जे पवित्र, निष्कपट, कने निर्मल आ, कने पापियां ते लग आ, कने तिस्सो जे परमेशर स्वर्गा च लेईग्या।