मत्ती 1:16 - बिलासपुरी नौआं नियम

¹⁶ कने याकूब ते यूसुफ पैदा हुया, सै जे मरियमा रा पति था, कने मरियमे यीशुये जो जन्म दित्या सै जे मसीह जाणया जां,

मत्ती 1:16 ပူးပေါင်းရင်းမြစ်များ

मत्ती 1:15

इलीहूद इलियाजार रा पिता था, कने इलियाजार मत्तान रा, मत्तान याकूब रा पिता बणया।

मत्ती 16:16

शमौन पतरसे जबाब दित्या, “तू मसीह आ, साक्षात परमेशरा रा पुत्र।”

मत्ती 16:20

फेरी तिने अपणे चेलयां जो शख्त हिदायत दित्ति भई “किसी जो येनी दस्यों भई हऊँ मसीह आ।”

मत्ती 2:13

ताहली जे जोतषी चलीगे, तां यूसुफा जो सुफने च परमेशरा रे इक्की दूते दर्शण देईने बोल्या, “उट्ठ बच्चे जो कने तिसरिया मौआ जो लेईने चुपचाप मिस्र देशा जो चली जा; कने तदुआं तक जे हऊँ तिज्जो नीं बोलूं, तू ऊत्थी रुकयां; काँह्भई हेरोदेस राजा इस बच्चे जो मरवाणे खातर टोल़ी कराँ।”

मत्ती 27:17

ताहली जे लोक कट्ठे हुये, तां पिलातुस राजपाले तिन्हांते पुच्छया, “तुहें किस्सो चाँये भई हऊँ तुहांरे खातर किस्सो छडूं? बरअब्बा जो, या तिस यीशुये जो सै जे मसीह कहलाया जां?”

मत्ती 27:22

तां पिलातुसे तिन्हांते पुच्छया, “फेरी यीशुये जो, सै जे मसीह कहलाया जां, तिसरा क्या करूँ?” सारयां तिसने बोल्या, “इस्सो क्रूसा पर चढ़ाओ।”

मरकुस 6:3

तिन्हें ये बोल्लीने तिसरा अपमान कित्या, क्या ये सिर्फ इक लकड़िया रा मिस्त्री निआं? सै जे मरियम रा पुत्र, याकूब, योसेस, यहूदा कने शमौना रा भाई आ। क्या इस रियां बैहणीं येत्थी अहांरे बिच नीं रैहन्दियां?” इस खातर तिन्हें तिसजो ग्रहण नीं कित्या।

लूका 1:27

मरियम नौआं री इक क्वारी कुड़िया रे घरें भेज्या। तिसारी मंगणी यूसुफ नौआं रे माहणुये ने हुई थी, सै जे राजा दाऊद रे खानदाना रा था।

लूका 2:48

तिसजो देखीने यीशुये रे माता-पिता बड़े हैरान हुए कने तिसरी माते तिसजो गलाया, “पुत्रा, तैं अहां सौगी येढ़ा काँह कित्या? तिज्जो टोल़दे-टोल़दे तेरे पिता रे कने मेरे प्राण त कट्ठे हुईगरे थे।”

लूका 2:7

कने तिसारे पहलौठे पुत्रा रा जन्‍म हुया कने तिसे अपणे न्याणे जो कपड़े च लपेटी ने इक्की गोयडा रिया खुरलिया च रखया, काँह्भई नगरा च तिन्हाजो किसी बी सराईं बिच रैहणे जो जगह नीं मिली थी।

लूका 3:23

जिस बगत यीशुये लोकां च अपणी सेवा शुरु किति, तिस बगत सै लगभग तिआं साल्लां रा था। कने लोक तिस्सो यूसुफा रा पुत्र समझां थे, भई यूसुफ त एली रा पुत्र था।

लूका 4:22

कने सारयां लोकें यीशुये री सराहना कित्ती, कने तिसरे मुँआं ते निकल़णे औल़े अनुग्रह रे वचन सुणीने सै सब हैरान हुईगे; कने गलाणे लगे, “क्या ये यूसुफा रा पुत्र निआं?”

यूहन्ना 4:25

जनाने तिसने गलाया, “हऊँ जाणाँ इ भई मसीह सै जे परमेशरा रा अभिषिक्त माहणु कहलाया जां, औणे औल़ा; ताहली जे सै औंगा, तां तिस अहां जो सारियां गल्लां दसणियां।”