लूका 9:60 - बिलासपुरी नौआं नियम

⁶⁰ यीशुये तिसने गलाया, “सै लोक जे आत्मिकता च मूईरयां साई ये तिन्हौं अपणयां लोकां रे मरने रा इन्तजार करने दे, पर तू जाईने परमेशरा रे राज्जा रा प्रचार कर।”

लूका 9:60 ပူးပေါင်းရင်းမြစ်များ

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

मत्ती 8:22

यीशुये तिसने बोल्या, “मेरा चेला बणने खातर मेरे पिछे औ, सै लोक जे आत्मिकता च मूईरयां साई ये तिन्हौं अपणयां लोकां रे मरने रा इन्तजार करने दे।”

लूका 15:24

काँह्भई मिन्जो येढ़ा लगया भई मेरा ये मुण्डु मरीगरा था, पर ये जिऊंदा। ये गवाच्छी गरा था, पर हुण मिलीग्या। कने सै नन्द करने लगे।

लूका 15:32

अहां ये खुशिया रा दिन मनाणा। काँह्भई तेरे भाईये रा घरें वापस औणा जिऊंदा हुणे रे बराबर आ। सै गवाच्छी गरा था, कने हुण सै घरौ वापस आईग्या।’ ”

1 कुरिन्थियों 9:16

फेरी बी ताहली जे हऊँ खुशखबरिया रा प्रचार कराँ, तां हऊँ घमण्ड नीं करी सकदा, काँह्भई हऊँ त ये करने जो मजबूर आ। जे हऊँ खुशखबरी नीं सुणांऊ तां मांह पर धिक्कार आ!

इफिसियां 2:1

तुहें पैहले अपणयां अपराधां कने पापां रिया वजह ने आत्मिक रुपा च मरीगरे थे।

इफिसियां 2:5

ताहली जे अहें पापां रिया वजह ने आत्मिक रुपा च मूईरे थे, तां मसीह सौगी तिने अहांजो बी जिऊंदा कित्या (परमेशरा रे अनुग्रह तेई तुहांरा छुटकारा हुईरा।)

1 तिमुथियुस 5:6

पर सै जे विधवा भोग विलासा रे खातर जीआं इ, सै मूईरे माहणुये साई, हलाँकि सै जिऊंदा इ।

2 तिमुथियुस 4:2

भई तू परमेशरा रे वचना रा प्रचार कर हालात चाये ठीक हो या नीं हो वचन प्रचार करने खातर त्यार रै। तिज्जो लोकां जो ये दसणा जरूरी आ भई तिन्हें क्या गल़ती कित्तिरी कने तू तिन्हांरे पापां रे खातर तिन्हौं डान्ट। पर तिज्जो लोकां जो हौंसला बी देणा चाहिन्दा तियां जे तू धीरजा ने तिन्हांजो शिक्षा देआं।

2 तिमुथियुस 4:5

पर तिज्जो हर हालता च अप्पूँजो काबुये च रखणा चाहिन्दा, दुख सै कने खुशखबरिया रा प्रचार कर कने अपणी जिम्मेवारिया जो पूरा कर सै जे प्रभुये तिज्जो दित्तिरी।

प्रकाशितवाक्य 3:1

तिने बी मिन्जो बोल्या, “सरदीस नगरा रिया कलीसिया रे दूता जो ये सन्देश लिख: मेरले परमेशरा रियां सात्त आत्मां कने सात्त तारे, हऊँ तुहांजो ये बोलां भई हऊँ तेरयां कम्मां जो जाणाँ, भई तू जिऊंदेयां साई त दिखां, पर असल च तू मूईरा।