लूका 9:31 - बिलासपुरी नौआं नियम

³¹ सै तेजोमय दिस्या कराँ थे कने परमेशरा री इच्छा पूरी करने खातर यरूशलेम च यीशुये रे मरने री गल्लां करी कराँ थे।

लूका 9:31 ပူးပေါင်းရင်းမြစ်များ

लूका 9:22

फेरी यीशुये गलाया, “काँह्भई माहणुये रे पुत्रा रे खातर ये जरूरी आ भई सै मता दुख सओ, कने बजुर्गां, मुखियायाजकां कने शास्त्रियां हऊँ घटिया समझीने मारी देणा, पर तिज्जे दिन मांज भीं ते ज्यून्दे हुई जाणा।”

लूका 9:30

फेरी दो माहणु मूसा कने एलिय्याह ऊथी परगट हुये कने यीशुये ने गलाणे लगे।

यूहन्ना 1:29

दुज्जे दिन यूहन्ने यीशुये जो अपणी तरफ औन्दे देखीने गलाया, “देक्खा, ये परमेशरा रा मेमना सै जे संसारा रा पाप अपणे ऊपर लेई जां।

2 कुरिन्थियों 3:18

पर ताहली जे अहें सब अपणे खुल्हे चेहरे ने प्रभुये री महिमा रा ध्यान कराँ ये, तां परमेशर अहौं हौल़यां-हौल़यां अपणे स्वरूपा च बधदी हुई महिमा सौगी बदल़ां, ये महिमा प्रभु तेई मिलां इ, सै जे पवित्र आत्मा।

फिलिप्पियां 3:21

अपणी तिसा सामर्था रे जरिये तिसाते जे सारियां चिज़ां जो सै अपणे बशा च करी लेआं, अहांरे कमजोर शरीरा जो बदली देणा ताकि सै तिसरे प्रतापी शरीरा साई हूणा।

कुलुस्सियां 3:4

ताहली जे मसीह सै जे अहांरा जीवन आ, भीं ते परगट हूणा, तां तुहें बी तिस सौगी तिसरिया महिमा समेत परगट कित्ते जाणे।

इब्रानियों 11:22

विश्वासा रे जरिये इ यूसुफे, ताहली जे सै मरने औल़ा था, तां इस्राएली लोकां जो मिस्र देशा ते निकल़णे रे बारे च बोल्या, कने तिने अपणी हड्डियां जो अपणे सौगी ले जाणे रा हुक्म दित्या।

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

2 पतरस 1:15

इस खातर हऊँ ये सब दसणे खातर बौहत कोशिश करया राँ, ताकि मेरे मरने ते बाद बी तुहें इन्हां गल्लां जो हमेशा याद रक्खी सक्को।

प्रकाशितवाक्य 7:14

मैं तिसजो जबाब दित्या, “हे स्वामी, हऊँ नीं जाणदा, पर तूई जाणाँ।” तिने मेरने गलाया, ये सै लोक ये, सै जे तिस बड़े दुखा ते निकल़ीने आईरे; इन्हें अपणे कपड़े मेमने रे खून्ना ने धोईने चिट्टे कित्तिरे।