लूका 8:47 - बिलासपुरी नौआं नियम

⁴⁷ जिस बगत सै जनाना समझीगी भई यीशु जाणिग्या, फेरी सै कम्बदी हुई आई कने तिसरे पैराँ पैईगी। सारी भीड़े तिसारी गल्लां जो सुणया भई सै यीशुये ने कजो छोई थी, कने कियां सै इकदम चंगी हुईगी।

लूका 8:47 ပူးပေါင်းရင်းမြစ်များ

मत्ती 28:8

सै जनानां डर कने खुशिया ने भरीगियां कने कब्रा ते मुड़ीने तिसरयां चेलयां जो खुशखबरी देणे खातर दौड़ी गियां।

मरकुस 5:33

तां सै जनाना डरदी कने कंबदी हुई आई, काँह्भई तिसे सोच्या भई यीशुये माह पर गुस्सा करना भई तिसे व्यवस्था जो तोड़या था, पर सै जाणाँ थी भई यीशुये तिसाजो ठीक कित्या। इस खातर सै तिसरे पैराँ पर पैईने तिस्सो सारियां गल्लां सच-सच दस्सी तियां।

लूका 8:46

पर यीशुये तिसने गलाया, “नां, किन्हिये जाणी बुझी ने हऊँ छुया, काँह्भई मेरे चते सामर्थ निकल़ी, कने मैं इसजो महसूस बी कित्या।”

लूका 8:48

यीशुये तिसाजो गलाया, “बेटी, तेरे इ विश्वासे तिज्जो ठीक कित्या, बेफिक्र हुईने चली जा।”

प्रेरितां 16:29

तां सै लम्फ बाल़ीने अन्दरा गया, कने पौलुस कम्बदा-कम्बदा सीलासा रे अग्गे पैराँ पई गया;

1 कुरिन्थियों 2:3

ताहली जे हऊँ तुहांरिया सौगी था तिस वगत मेरा शरीर कमजोर था, कने हऊँ डरा रिया वजह ने कम्बीग्या।

2 कुरिन्थियों 7:15

सै ताहली जे ये आद कराँ भई तुहें सारयां किस तरिके ने तिसरा हुक्म मन्नया कने डरा रे मारे थर-थर कम्बदे हुये तुहें तिस्सो कियां अपणाया तां तुहांरे प्रति तिसरा प्यार होर बी बधी जां।

फिलिप्पियां 2:12

इस खातर मेरे प्यारे मित्रो, ताहली जे हऊँ तुहांजो सौगी था ताहली तियां जे तुहें हुक्मां रा पालन कित्या, हुण ताहली जे भई हऊँ तुहां सौगी निआं तां तुहें होर जादा लगना ने तिन्हांरा पालन करा। परमेशरा रे प्रति पूरे आदर भावा ने अपणे छुटकारे जो पूरा करने रे खातर तुहें लोक काम्म करदे जावा।

इब्रानियों 12:28

इस खातर अहांजो सै राज जे मिलीरा सै हिलाया नीं जाई सकदा, इसा गल्ला रे खातर अहें परमेशरा रा धन्यवाद कराँ ये। कने ईज्जत कने डरा ने परमेशरा री येढ़ि अराधना कराँ ये, तिसते जे परमेशर खुश हुआं।