लूका 8:27 - बिलासपुरी नौआं नियम

²⁷ यीशु जिस बगत किश्तिया ते उतरी कराँ था, तिस बगत तिस नगरा रा इक माहणु तिन्हाजो मिलया सै जे बुरीआत्मां रे बशा च था। सै किसी घरा च नीं रैंहदा था, कने नंगा घुमदा फिरदा रैयां था। सै मतयां दिनां ते कब्रिस्तान च रेआं था।

लूका 8:27 ပူးပေါင်းရင်းမြစ်များ

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मरकुस 5:15

यीशु तित्थी जे था तिसा जगह आईने लोकें तिस माहणुये जो तिसच जे बुरीआत्मां समाई रियां थिआं, कपड़े पैहनीरा कने होशा च बैठिरा देखीने डरीगे।

लूका 8:26

फेरी यीशु कने तिसरे चेले गलील रे सामणे, गिरासेनियों रे इलाके च पुज्जे,

लूका 8:28

जियां जे तिने यीशुये जो देख्या, सै रड़ाया कने तिन्हारे सामणे धरतिया पर पैईने ऊच्चिया अवाज़ा च बोलणे लगया, “हे यीशु, परमप्रधान परमेशरा रे पुत्र, तू मिन्जो कष्ट कजो देआं? हऊँ तुहांते बिनती कराँ भई मिन्जो सजा नीं दे!”