लूका 8:2 - बिलासपुरी नौआं नियम

² किछ जनानां, तिन्हाजो जे तिने बुरीआत्मां कने बमारियां ते छडवाया था, तिन्हां च मरियम सै जे मगदल गाँवां ते थी कने तिसा चते जे यीशुये सात्त बुरी आत्मायें नकाल़ी थीं;

लूका 8:2 ပူးပေါင်းရင်းမြစ်များ

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मरकुस 16:1

तंजे विस्रामा रा दिन बीतिग्या, तां मगदल गाँवां री मरियम, याकूब री माता मरियम, कने सलोमीये खुशबुदार मसाले खरीदी ले, भई आईने यीशुये रिया लाशा पर मल़ो।

मरकुस 16:9

रविवार रे दिन भ्याग हुंदे इ यीशु जिऊंदा हुईने सब ते पैहले मरियम जो दुस्या सै जे मगदला गाँवां ते थी, तिसा चते जे सात्त बुरीआत्मां कड्डियां थिआं।

लूका 23:27

लोकां री इक बड्डी भीड़ तिसरे पिच्छे चलीरी थी, तिन्हां च मतियां जनानां बी रोन्दी कने बलाप करदियां चली रियां थी।

लूका 23:49

कने तिसरे सारे जाणने औल़े, कने सै जनानां जे गलील प्रदेशा ते तिस सौगी आईयां थिआं, थोड़ा दूर जे खढ़ी ने इन्हां सारियां गल्लां जो देखीरां थिआं।

लूका 23:55

कने तिन्हें जनानें सै जे तिसने गलील ते आईयां थिआं, पिच्छे-पिच्छे, जाईने तिसा कब्रा जो देख्या कने ये बी भई तिसरा शव किसा रितिया ने रखया गया।

लूका 8:30

यीशुये तिसते पुच्छया, “तेरा नौं क्या?” तिने जबाब दित्या, “मेरा नौं आ सेना” काँह्भई बौहत सारी बुरीआत्मायें तिसच बड़ी गरियां थी।

यूहन्ना 19:25

पर यीशुये रे क्रूसा ले तिसरी माता, कने तिसरिया माता री बैहण, क्लोपास री जनाना मरियम, कने मगदल गाँवां री मरियम बी खढ़ी रियां थिआं।

प्रेरितां 1:14

ये सब कई जनानां कने यीशुये री माता मरियम कने तिसरे भाईयां सौगी इक मन हुईने प्राथना च लगीरे रै।