लूका 8:1 - बिलासपुरी नौआं नियम

¹ इन्हां गल्लां ते बाद यीशु कने तिसरे बारा चेले नगर-नगर कने गाँवां-गाँवां जाईने लोकां जो परमेशरा रे राज्जा री खुशखबरिया रा प्रचार करदे रै।

लूका 8:1 ပူးပေါင်းရင်းမြစ်များ

मत्ती 11:1

ताहली जे यीशु अपणे बारा चेलयां जो हुक्म देई बैट्ठया, तां सै तिन्हारे नगराँ च उपदेश कने प्रचार करने जो तित्थी ते चलिग्या।

मत्ती 13:19

लोक सै जे परमेशरा रे बारे च सुणां यें भई सै कियां लोकां रियां जिन्दगियां पर राज कराँ कने नीं समझदे भई जो किछ तिन्हें सुणया सै तिसा बाटा साई आ तित्थी जे सै किछ दाणे पैईरे, शैतान औआं कने जो किछ तिन्हें सुणीरा हुआं तिसजो भुलाई देआं।

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

मत्ती 9:35

फेरी यीशु कने तिसरे चेले गलील प्रदेशा रे बौहत सारे नगराँ कने गाँवां च गये कने तिन्हां रयां यहूदी सभा घराँ च उपदेश करदा, कने परमेशरा रे राज्जा री खुशखबरिया रा प्रचार करदा, कने हरेक किस्मा रियां बमारियां कने कमजोरियां जो दूर करदा रैया।

मरकुस 1:39

कने तिने गलील प्रदेशा रे बौहत सारयां लाकयां च कने तिन्हांरे यहूदी सभा घराँ च जाईने प्रचार कित्या कने बुरीआत्मां जो कड्डया।

लूका 1:80

कने सै बालक यूहन्ना कद काठिया च कने आत्मा रिया शक्तिया च मजबूत हुन्दा गया, कने बड्डा हुणे ते बाद तदुआं तक जे तिने इस्राएल रे लोकां च अपणी सेवा नीं शुरु किति, तदुआं तक सै जंगला च रैया।

लूका 20:1

इक दिन येढ़ा हुया भई ताहली जे यीशु मन्दरा च लोकां जो उपदेश देईरा था कने खुशखबरी सुणाई कराँ था, तां तिस बगत मुखियायाजक कने शास्त्री, बजुर्गां सौगी तिन्हाले आईने खड़ीगे;

लूका 4:18

“प्रभुरा आत्मा मेरे ऊपर आ, काँह्भई तिने गरीबां जो खुशखबरी सुनाणे रे खातर मेरा अभिषेक कीतिरा। तिने हऊँ भेजीरा, भई हऊँ सै जे शैतान्ना रिया कैदा चे तिन्हाजो छुटकारे रा, कने अन्हेयां जो नज़र पाणे री खुशखबरी देऊं, कने दुख तकलीफां च फसीरे लोकां जो छड़वाऊँ।

लूका 9:6

फेरी सै चेले निकल़ीने गाँवां-गाँवां च जाईने खुशखबरी सुणांदे हुये हर जगह बमाराँ जो चंगा करदे रैये।

प्रेरितां 10:38

परमेशरे कियां-कियां नासरत नगरा रे यीशुये जो पवित्र आत्मा कने सामर्था ते अभिषेक कित्या; सै भलाई करदा कने जितने लोक सै जे शैताने सताईरे थे, ठीक करदा फिरया, काँह्भई परमेशर तिसने सौगी था।

प्रेरितां 13:32

अहें तुहांजो तिस वायदे रे बारे च सै जे परमेशरे अहांरे बापदादयां ने कीतिरा, ये खुशखबरी सुणावां ये,

रोमियो 10:15

कने जे कोई तिन्हांजो प्रचार करने जो नीं भेज्या जाओ, तां सै कियां दस्सी सक्कां ये? तियां जे पवित्रशास्त्रा च लिखिरा, “खुशखबरी ल्यौणे औल़यां रे चरण कितणे छैल़ ये, सै जे खुशखबरी सणवायें।”