लूका 7:7 - बिलासपुरी नौआं नियम

⁷ हऊँ औणे कने तुहांजो मिलणे रे लायक बी नींआ, पर ऊत्थीते वचन इ बोल्ली दे, मेरा दास्सा ठीक हुई जाणा।

लूका 7:7 ပူးပေါင်းရင်းမြစ်များ

मरकुस 1:27

येढ़ा देखीने यहूदी सभा घरा रे लोक बड़े हैरान हुये कने अप्पूँ चियें गलाणे लगे, “ये क्या गल्ल इ? ये कोई नौआं उपदेश आ! ये तां अधिकारा ने बुरीआत्मां जो बी हुक्म देआं, कने सै तिसरे हुक्मां जो मन्नां ये।”

लूका 4:36

इस पर सारयां लोकां जो हैरानी हुई कने सै अप्पूँ चियें गलाणे लगे, “ये केढ़ा वचन आ? भई सै अधिकारा कने सामर्थय ने बुरीआत्मा जो हुक्म देआं, कने सै निकल़ी जाईयां”

लूका 5:13

तिने हात्थ अग्गे करीने तिस्सो छुया कने बोल्या, “हाँ, हऊँ चाँह भई तू ठीक हुई जाओ!” कने तिसरा कोढ़ इकदम जान्दा रैया।

लूका 7:6

यीशु तिन्हारे सौगी-सौगी चलया, पर ताहली जे सै घरा रे नजदीक था, तां सुबेदारे तिसले कई मित्राँ ने सनेहा भेज्या, “हे प्रभु, मेरे घरें औणे खातर अप्पूँजो परेशान नीं कर, काँह्भई हऊँ इस आदरा रे लायक निआं,

लूका 7:8

हऊँ बी किसी रे अधीन काम्म कराँ; कने सिपाई मेरे हुक्मा रा पालन कराँ ये, कने ताहली जे इक्की जो बोलां, ‘जा,’ तां सै ‘जां,’ कने दुज्जे जो औणे जो बोलां भई ‘औ,’ तां सै औआं; कने अपणे किसी दास्सा जो भई ‘ये कर,’ तां सै तिस्सो कराँ।”