लूका 7:44 - बिलासपुरी नौआं नियम

⁴⁴ फेरी तिसा जनाना खा मुड़ीने यीशुये शमौना जो गलाया, “क्या तू इसा जनाना जो देखीरां? जिस बगत हऊँ तेरे घरें आया, तां तैं रितिया रे मुतावक मेरे पैराँ धोणे जो पाणी नीं दित्या; पर इसे जनाने मेरे पैर अपणे आक्खीं रे परौल़यां ने सेड़े, कने अपणे बाल़ां ने पुंझे!

लूका 7:44 ပူးပေါင်းရင်းမြစ်များ

लूका 7:38

कने तिसरे पैराँ ले, पिच्छे खढ़ी हुईने, रोन्दी हुई तिसरे पैराँ जो आक्खीं रे परौल़यां ने सेड़ने कने सिरा रे बाल़ां ने साफ करने लगी, कने तिसरे पैराँ जो बार-बार चुम्मीने तिन्हां पर इत्र मल़या। तैं मेरे सिरा पर तेल नीं मल़या; पर इसे मेरे पैराँ पर इत्र मल़या।

लूका 7:43

फरीसी शमौन जवाब देआं, “मेरिया समझा च, तिस मता प्यार रखणा, तिसरा जे मता कर्जा माफ हुया।” इसा गल्ला पर यीशुये शमौना ते गलाया, “तैं ठीक सोच्चया।”

यूहन्ना 13:5

तां तिने इक्की बरतना च पाणी लैया, कने अपणयां चेलयां रे पैर धोणे लगया कने सै जे परना तिने इक्की दास्सा साई लपेटिरा था तिसने तिन्हांरे पैर साफ करने लगया।

1 तिमुथियुस 5:10

कने भलयां कम्मां च तिसारा नौं हो, तियां जे बच्चयां रा पाल़ण-पोषण; मेहमान्नां री सेवा कित्ती हो, पवित्र लोकां री इक दासिया साई सेवा कित्ती हो, दुखियां री मद्‌द कित्ती हो, कने हरेक भले कम्मां च मन लाया हो।

याकूब 2:6

तां बी तुहें गरीबां री बेज्जति कराँ ये। तुहें जाणां ए भई ये अमीर लोक इ हाए सै जे तुहां पर अत्याचार करां ए। सैई सै जे तुहांजो कचैहरियां च जबरदस्ती घसीटी ने नीं लेई जाएं?