लूका 7:42 - बिलासपुरी नौआं नियम

⁴² पर तिन्हां दुईं चते कोई बी तिस कर्जे जो बापस नीं करी पाया। तां साहूकारे तिन्हां पर दया करीने सारा कर्ज माफ करित्या, तिज्जो क्या लगां, तिन्हां दुईं चते तिसने कुण जेआ कर्जदार मता प्यार करगा?”

लूका 7:42 ပူးပေါင်းရင်းမြစ်များ

मत्ती 18:27

इस पर मालका जो तिस दास्सा पर दया आईगी, तिने तिसरा कर्जा माफ करीने सै छडित्या।

मत्ती 18:34

कने तिसरे मालके गुस्से च आईने तिस्सो सजा देणे औल़े रे हत्था च सौंपीत्या, भई तदुआं तक जे सै सारा कर्जा बापस नीं करी दो, तदुआं तक तिन्हांरे हत्थां च रौ।

मत्ती 6:12

कने जियां जे किन्हिये अहांरे बरोधा च पाप कित्या तिन्हांजो अहें माफ कराँ ये, तियां इ तू बी अहांरे पापां जो माफ कर।

लूका 7:43

फरीसी शमौन जवाब देआं, “मेरिया समझा च, तिस मता प्यार रखणा, तिसरा जे मता कर्जा माफ हुया।” इसा गल्ला पर यीशुये शमौना ते गलाया, “तैं ठीक सोच्चया।”

रोमियो 3:24

पर परमेशरा रे अनुग्रह ते तिने अहांजो यीशु मसीह रे जरिये मुख्ता च ग्रहण कित्या कने अहांरे पापां रिया सजा ते छुटकारा दित्या।

रोमियो 5:6

काँह्भई ताहली जे अहें अप्पूँजो बचाणे खातर असहाय थे, तां मसीह अहां पापी लोकां रे खातर तिस वगत मरया, जिस वगता जो जे परमेशरे चुणीरा था।

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

इफिसियां 1:7

अहौं तिसच परमेशरा रे बौहत अनुग्रह रे मुतावक मसीह रे खून्ना रे जरिये छुटकारा, यनिके अहांरे पापां री माफी मिलीरी, परमेशरा रा अनुग्रह बौहत इ महान आ सै जे तिने अहांजो बौहत-जादा करीने दित्या।

इफिसियां 4:32

अप्पूँ चियें इक्की दुज्जे रे प्रति दयालु कने करुणावान बणा कने अप्पूँ चियें इक्की दूये रे अपराधां जो तियां इ माफ करा तियां जे मसीह रे जरिये तुहांजो परमेशरे बी माफ कित्या।

कुलुस्सियां 3:13

तुहांजो अप्पूँ चियें ताहली जे कदीं कोई शकैत ओ, तां इक्की दूये री सैहण करी लो कने इक्की दूये रे अपराध माफ करा, तियां जे परमेशरे तुहांरे अपराध माफ कित्ते, तियां इ तुहें बी माफ करा।