लूका 7:41 - बिलासपुरी नौआं नियम

⁴¹ फेरी यीशु तिस्सो ये उदाहरण देआं, “इक साहूकार था तिसरे दो कर्जदार थे, इक्की पर पांज्ज सौ दिनार, कने दुज्जे पर पंजाह दिनाराँ रा कर्जा था।

लूका 7:41 ပူးပေါင်းရင်းမြစ်များ

मत्ती 18:28

“फेरी ताहली जे सै दास बाहर निकल़या, तां तिस्सो तिसरा इक साथी दास मिलया सै तिसरे सौ दिनाराँ रा कर्जदार था; तिने सै गल़े ते पकड़या कने तिसरा गल़ा दबान्दे हुये बोल्या, ‘जितना कर्ज तू मेरा देणा सै मिन्जो वापस कर।’

मत्ती 6:12

कने जियां जे किन्हिये अहांरे बरोधा च पाप कित्या तिन्हांजो अहें माफ कराँ ये, तियां इ तू बी अहांरे पापां जो माफ कर।

मरकुस 6:37

पर तिने जवाब दित्या, “तुहें इ तिन्हांजो खाणे जो देआ।” तिन्हें यीशुये ने गलाया, “इसच इक माहणुये री आट्ठ महीने री मजदूरी लगणी! क्या अहें जाईने इतणा पैसा रोटिया रे खातर खरच करिये कने तिन्हांजो खाणे रे खातर देईये?”

लूका 11:4

कने अहांरे पापां जो माफ कर, काँह्भई अहें बी अपणे हर इक अपराधिये जो माफ कराँ ये, कने अहांजो परीक्षा ते बचा’।”

लूका 12:48

पर तिस्सो जे अपणे मालका रिया इच्छा री समझ नीं कने येढ़ा कोई काम्म करी बैट्ठो सै जे मार खाणे लायक ओ तां तिस दास्सा जो हल्की मार पौणी। इस खातर तिसजो जे बौहत दित्तिरा मालका तिस्सो कड़ी सजा देणी। तिस माहणुये ते तिस्सो जे लोकें जादा दितिरा, तिसते जादा इ मंगणा।

लूका 13:4

तुहें तिन्हां ठारा माहणुआं रे बारे च क्या सोचां ये, तिन्हां पर जे शीलोह लाके च पथराँ री बणीरी सबनीं ते ऊच्ची दवाल रुढ़ि कने सै तिसा हेठ दबोईने मरीग्ये; तां क्या सै यरूशलेम च रैहणे औल़यां चा ते जादा पापी थे?

लूका 7:40

मगर यीशुये तिस फरीसिये रे मना री गल्लां जो जाणीने जबाब दित्या कने गलाया, “शमौन हऊँ तेरने किछ बोलणा चाँह।” इस पर शमौन बोलां, “गुरू जी बोल्ला।”

लूका 7:47

इस खातर तू समझी लै भई इसारे पाप, सै जे बौहत थे, माफ हुईगे, काँह्भई इसे मता प्यार कित्या। पर तिस माहणुये रे जे थोड़े पाप माफ हुए, सै थोड़ा प्यार दस्सां।”

रोमियो 3:23

इस खातर भई सारयां पाप कित्तिरा कने सारे परमेशरा रिया महिमा ते दूर ये,

रोमियो 5:20

व्यवस्था इस खातर दित्ति गई ताकि सारे लोकां जो पता चली जो भई सै कितणे पापी थे। पर तियां जे लोकें जादा ते पाप कित्ते तियां इ परमेशरा रा अनुग्रह तिसते बी कई मान जादा हुया,