लूका 7:39 - बिलासपुरी नौआं नियम

³⁹ येढ़ा देखीने सै फरीसी तिने जे यीशुये जो नियून्दा देईने सद्दीरा था, अपणे मना च सोचणे लगया, “इसते त येढ़ा साबित हुआं भई ये यीशु कोई भविष्यवक्ता निआं। काँह्भई जे सच्ची जो सै परमेशरा री तरफा ते भेजीरा हुन्दा, तां येढ़ा जाणी लेन्दा भई ये केढ़ी जनाना इ सै जे इसने छोइराँ इ कने सै कितणी बड्डी पापिन इ।”

लूका 7:39 ပူးပေါင်းရင်းမြစ်များ

मत्ती 20:16

इस तरिके ने सै जे अप्पूँजो खास समझां ये, हुण सै खास नीं रैहणे, कने सै जे खास नीं समझे जायें, सै औणे औल़े वगता च बौहत खास समझे जाणे।

मत्ती 21:11

लोकें गलाया, “ये गलील रे नासरत नगरा रा भविष्यवक्ता यीशु आ।”

मरकुस 7:21

काँह्भई अन्दरा ते, यनिके माहणुये रे मना ते, बुरे-बुरे बचार, व्यभिचार, चोरी, हत्या, परस्त्रीगमन,

लूका 12:17

तिने अपणे मना च सोच्चया, ‘हऊँ नीं जाणदा भई हऊँ क्या करूँ, काँह्भई इतणा अनाज रखणे खातर मेरे भण्डारा च काफी जगह नीं?’

लूका 15:2

इसजो देखीने फरीसी कने यहूदी शास्त्री बड़बड़ाणे लगे, “ये माहणु त पापी कने घटिया लोकां सौगी उट्ठां बैट्ठां कने तिन्हां सौगी रोटी बी खां!”

लूका 16:3

भण्डारीये अपणे मना च सोचया: हुण मेरा क्या हूणा? मेरी त इथीते छुट्टी हुईगी। कने माह च इतणी ताकत नीं भई हऊँ खड्डे खुणी सक्कूं। कने भिख मंगणे ते मिन्जो शर्म लगणी।

लूका 18:4

तिने न्यायिये बौहत दिनां तक तिसा विधवा रिया गल्ला री परवाह नीं किति, पर बाद बिच तिने मना च बिचार कित्या, हलांकि हऊँ नांत परमेशरा ते डराँ, कने नांई माहणुआं री कोई परवाह कराँ।

लूका 3:8

जे तू तिसा सजा ते बचणा चांह तां अपणिया जिन्दगिया च ये साबित कर भई तैं अपणयां पापां ते मन फिराया कने परमेशरा खौ मुड़ीरा। कने अपणे-अपणे मना च ये नीं सोच्चा भई अब्राहम अहांरा पूर्वज आ; ताकि परमेशरा अहांजो सजा नीं देणी, पर हऊँ तुहांजो बोलां भई ‘परमेशर अब्राहमा रे खातर इन्हां पत्थराँ ते बी बच्चा पैदा करी सक्कां!’

लूका 7:16

इसा गल्ला जो देखीने लोकां जो बड़ा डर हुईग्या, कने सै येढ़ा बोलीने परमेशरा री स्तुति करने लगे, “अहांरे बिच इक महान भविष्यवक्ता आया कने परमेशरे अपणे लोकां पर मेहरवानी किति।”

लूका 7:37

कने देक्खा, तिस नगरा री इक पापी जनाना ये जाणीने भई यीशु फरीसिये रे घरें रोटी खाणे बैठिरा, संगमरमरा रिया शीशिया च बौहत मैंहगा इत्र ल्याई।

लूका 7:38

कने तिसरे पैराँ ले, पिच्छे खढ़ी हुईने, रोन्दी हुई तिसरे पैराँ जो आक्खीं रे परौल़यां ने सेड़ने कने सिरा रे बाल़ां ने साफ करने लगी, कने तिसरे पैराँ जो बार-बार चुम्मीने तिन्हां पर इत्र मल़या। तैं मेरे सिरा पर तेल नीं मल़या; पर इसे मेरे पैराँ पर इत्र मल़या।

लूका 7:40

मगर यीशुये तिस फरीसिये रे मना री गल्लां जो जाणीने जबाब दित्या कने गलाया, “शमौन हऊँ तेरने किछ बोलणा चाँह।” इस पर शमौन बोलां, “गुरू जी बोल्ला।”

यूहन्ना 4:19

इस पर जनाने तिसने गलाया, “प्रभु जी, हऊँ समझी सक्कां इ भई तू इक भविष्यवक्ता।

यूहन्ना 7:12

कने लोकां च तिसरे बारे गुप-चुप कई सारी गल्लां हुईयां मते जणे बोलीराँ थे, “सै बड़ा खरा माहणु आ।” कने कई बोल्लां थे, “नां, सै लोकां जो भटकां।”

यूहन्ना 9:24

फेरी यहूदी अगबेयां तिस माहणुये जो दुज्जी बार भीं ते सद्दया सै जे अन्हा था, कने गलाया, “सच्च बोल, तू जे ठीक हुया तां तू परमेशरा री स्तुति कर। अहें त जाणाँ ये भई सै माहणु पापी आ।”