लूका 7:33 - बिलासपुरी नौआं नियम

³³ बपतिस्मा देणे औल़े यूहन्ने कदीं अंगूरां रा रस नीं पित्या, कने तिने हमेशा उपवास कित्या। पर तुहें बोलां ये भई तिसच बुरीआत्मा इ।

लूका 7:33 ပူးပေါင်းရင်းမြစ်များ

मत्ती 10:25

चेले जो गुरुये रे, कने दास्सा जो अपणे स्वामिये रे बराबर हुणे ची सन्तोख करना चाहिन्दा; तां जे सै मिन्जो यनि घरा रे मालका जोई शैतान बोलां ये, तां तुहें तिन्हांते केढ़े व्यवहारा री आशा रक्खां ये?

मत्ती 3:1

तिन्हें दिनें यूहन्ना बपतिस्मा देणे औल़ा आईने यहूदिया रे सुनसान जगह च ये प्रचार करने लगया :

मत्ती 3:4

यूहन्ना ऊँटा रे बाल़ां रे कपड़े पैहनां था, कने अपणे लक्का पर चमड़े री पेट्टी बन्ही रखां था। टिट्टे कने जंगली शैहत तिसरा खाणा था।

मरकुस 1:6

यूहन्ना ऊँटा रिया ऊन्ना रे बणीरे कपड़े पैहनां था कने अपणे लक्का पर चमड़े री पेट्टी बन्ही रक्खां था। सै टिट्टे कने जंगली शैहत खां था।

लूका 1:15

तिस परमेशरा रे खातर खास काम्म करना। तिस कदीं बी अंगूरां रा रस कने कोई नशीली चीज़ नीं पीणी; कने तिस अपणी मौआ रे गर्भा ची पवित्र आत्मा ते भरी जाणा।

लूका 7:32

काँह्भई सै तिन्हां बच्चयां साई ये सै जे किसी खाली जगह च बैठिरे रैंह कने इक्की दूये जो हक्कां पाईने बोलां ये: ‘अहें तुहांरे खातर ब्याह रे गीत गाये, पर तुहें त नच्चे इ नींये, अहें त रोणे रा गीत गाया, पर तुहें त रोये इ नींये।’

लूका 7:34

हऊँ माहणुये रा पुत्र खान्दा पीन्दा आईरा; तां तुहें बोलां ये भई ‘हऊँ पेटू कने शराबी आ, कने चुंगी लेणे औल़यां कने पापियां रा मित्र आ।’

यूहन्ना 10:20

तिन्हां चते जादातर लोक बोलणे लगे, “तिस पर बुरीआत्मा स्वार इ, कने सै पागल आ; तुहें तिसरी कजो सुणी कराँ ये?”

यूहन्ना 8:48

ये सुणीने यहूदियें तिसने गलाया, “क्या अहांरा ये बोलणा ठीक नीं था भई तू सामरी आ, कने तूह च इक बुरीआत्मा इ?”

यूहन्ना 8:52

यहूदियें तिसने गलाया, “हुण अहें जाणीगे भई तूह च बुरीआत्मा समाईरी। अब्राहम मरीग्या, कने भविष्यवक्ते बी मरीये; कने तू बोल्लां, ‘जे कोई मेरियां सखाई रियां गल्लां रा पालन करगा, तिस कदीं नीं मरना।’

प्रेरितां 2:13

पर दुज्जेयां हासी डुआईने गलाया, “येत नौंईंया शराबा रे नशे चे।”