लूका 7:29 - बिलासपुरी नौआं नियम

²⁹ जिस बगत सारयां लोकें कने चुंगी लेणे औल़यां ये गल्ल सुणी तां फेरी तिन्हे यूहन्ने ते बपतिस्मा लेईने परमेशरा जो सच्चा मन्नील्या।

लूका 7:29 ပူးပေါင်းရင်းမြစ်များ

मत्ती 5:46

काँह्भई जे तुहें अपणे प्यार रखणे औल़यां नेई प्यार रखां ये, तां तुहांजो परमेशरा कजो ईनाम देणा? क्या टैक्स लेणे औल़े बी येढ़ा इ नीं करदे?”

लूका 20:6

कने जे अहें इसने गलांगे भई सै सिर्फ माहणुयें दितिरा, तां तिन्हां लोकां अहां पर पत्थर मारने, काँह्भई ये सचमुच जाणाँ ये भई यूहन्ना इक भविष्यवक्ता था।”

लूका 3:12

चुंगी लेणे औल़े बेईमान लोक बी तिसले बपतिस्मा लेणे आये कने पुछणे लगे, “गुरू जी, अहें क्या करिये?”

लूका 7:28

“हऊँ तुहांजो बोलां भई हुण तक येढ़ा कोई माहणु नीं जम्मया सै जे यूहन्ने ते बड्डा ओ। पर परमेशरा रे राज्जा च सै जे बड़ा खास नींआ, सै यूहन्ने ते बी बड्डा।”

लूका 7:35

पर सै जे परमेशरा रे ज्ञाना रे मुतावक चलां ये तिन्हां रिया जिन्दगियां च ज्ञान सच्चा ठहराया जां।”

प्रेरितां 18:25

तिने प्रभुये रे रस्ते री खरी शिक्षा पाईरी थी, कने मन लगाईने यीशुये रे बारे च ठीक-ठीक सुणावां कने सखांवां था, पर सै सिर्फ यूहन्ना रे बपतिस्मे री गल्ल जाणाँ था।

प्रेरितां 19:3

पौलुसे तिन्हांने गलाया, “तां फेरी तुहें किस तरिके रा बपतिस्मा लया?” तिन्हें गलाया, “यूहन्ना रा बपतिस्मा।”

रोमियो 10:3

काँह्भई सै तिसा धार्मिकता जो नीं जाणी पाये सै जे परमेशरा ते मिलां इ, कने तिन्हें अपणी इ धार्मिकता जो बनाणे री कोशिश कित्ती, इस खातर तिन्हे परमेशरा रिया धार्मिकता रे खातर अप्पूँजो नीं सौंपया।

प्रकाशितवाक्य 15:3

कने सै परमेशर रे दास मूसा रा गीत, कने मेमने रा गीत गां थे, “हे सर्वशक्तिमान प्रभु परमेशर, तेरे काम्म महान कने अदभुत ये; हे युग-युग रे राजा, तेरी चाल ठीक कने सच्ची।”

प्रकाशितवाक्य 16:5

फेरी मैं पाणिये रे अधिकारी स्वर्गदूता जो परमेशरा ते ये बोलदे हुये सुणया, “हे पवित्र, सै जे हया कने सै जे था, तू न्यायी आ कने तैं ये न्याय कित्तिरा।