लूका 7:19 - बिलासपुरी नौआं नियम

¹⁹ फेरी तिने अपणे दो चेलयां जो सद्दीने प्रभु ले ये पुछणे खातर भेज्या भई, “क्या औणे औल़ा तूई हाया, या फेरी अहें किसी दुज्जे री आशा रखिये?”

लूका 7:19 ပူးပေါင်းရင်းမြစ်များ

मरकुस 6:7

फेरी यीशुये बाराँ चेलयां जो अप्पूँ ले सद्दया कने तिन्हांजो बुरीआत्मां जो निकाल़णे रा अधिकार दित्या। इसते बाद तिने तिन्हांजो दो-दो रा जोड़ा बणाईने लग-लग गाँवां च भेज्या।

लूका 10:1

इन्हां गल्लां ते बाद प्रभु यीशु बहत्तर होर चेलयां जो चुणां कने तिस-तिस नगर कने जगहां पर जे तिने जाणे री योजना बणाई थी, ऊथी जाणे ते पैहले तिन्हां चेलयां जो दो-दो करीने अपणे अग्गे भेज्या।

लूका 11:1

इक दिन यीशु इक्की जगह प्राथना करी रां था। जिस बगत सै प्राथना खत्म करी बैट्ठे, तां चेलयां चते इक्की तिन्हाले आई ने गलाया, “प्रभु जी, तियां जे यूहन्ने अपणे चेलयां जो प्राथना करना सखाया, तियां इ अहांजो बी तू प्राथना करना सखा।”

लूका 11:39

प्रभुये तिसजो गलाया, “फरीसियो, तुहें कौलियां कने थाल़ियां जो उपरा-उपरा ते मांजणे च सावधानी वरतां ये, पर तुहांरिया अन्तरात्मा च हुण बी गन्दगी, तुहां च हुण बी लालच कने बुराई भरीरी!

लूका 12:42

प्रभुये गलाया; “सै विश्वास लायक कने समझदार भण्डारी कुण हूणा, तिसरा मालक जे तिस्सो नोकराँ-चाकराँ पर मुखिया बणाईने घरा री रखवाल़ी करने कने ठीक बगता पर तिन्हांजो रोटी देणे री जिम्मेवारी सम्भाल़े।

लूका 13:15

पर येढ़ा सुणीने प्रभु यीशुये जबाब दित्या, “कपटियो! क्या तुहां चाते सारे इ विस्राम रे दिन काम्म नीं कराँ ये! क्या तुहें इस दिन अपणे बच्छुआं या गधे जो खुण्डा ते छड्डिने पाणी प्याणे नीं लेई जान्दे?

लूका 17:5

प्रेरितें प्रभु यीशुये ने गलाया, “परमेशरा पर अहांरा विश्वास मजबूत करने जो अहांरी मदद कर”

लूका 17:6

यीशुये जबाब दित्या, “अगर तुहांरा विश्वास राईया रे दाणे जितना बी हुन्दा, तां तुहें इस तूत्ता रे डाल़ा जो बोलदे, तू जड़ां ते पटोईने समुद्रा च लगी जा, तां सै बी तुहांरा हुक्म मन्नी लेंदा!”

लूका 18:6

प्रभु यीशुये बोल्या, “इस पर बचार करा भई आमतौर पर सै न्यायी अन्याई था, पर विधवा रे खातर तिने सै जे फैसला कित्या तिस पर ध्यान देआ।

लूका 19:8

जक्कई रोटी खान्दे वगत खड़ा हुईने प्रभु यीशुये ने बोलणे लगया; प्रभु जी, देक्खा हऊँ अपणिया धन-दौलता रा अधा हिस्सा गरीबां च बंडी देआं, कने जिस किसी रा जे मैं धोखा करीने लैईरा तिन्हांजो मांह चार गुणा वापस करीने देणा।

लूका 22:61

तिसा इ घड़िया प्रभुये पतरसा खा जो मुड़ीने देख्या, फेरी तिस्सो याद आया भई प्रभुये गलाया था, “आज्ज ताहली जे कुकड़ा झांग देणी, ताहलुआं तक तिन्न दफा तू मेरा इन्कार करी चुक्कया हूणा।”

लूका 24:34

ताहली जे सै ऊथी पुज्जे ताहली तिन्हारे किछ बोलणे ते पैहले इ तिन्हारा इसा खबरा ने स्वागत कित्या भई “प्रभु सच्ची जोई जिऊंदा हुईग्या! तिने शमौन पतरसा जो दर्शण दित्या!”

लूका 7:13

तिसा विधवा री हालत देखीने प्रभुये जो तिसा पर बड़ा तरस आया कने गलाया “रोन्दी मत!”

लूका 7:20

तिन्हें दुईं चेलयां यीशुये ले आईने गलाया, “यूहन्ना बपतिस्मा देणे औल़े अहांजो तेरले ये पुछणे जो भेज्या, भई क्या तू सैई हाया सै जे औणे औल़ा, या अहें किसी दुज्जे री आशा रखिये?”

यूहन्ना 11:2

ये सैई मरियम थी तिसे जे प्रभुये पर इत्र मल़या था कने अपणे सिरा रे बाल़ां ने प्रभुये रे पैर साफ कित्ते थे। ये बमार लाजर इसारा भाई था।

यूहन्ना 4:1

फेरी ताहली जे यीशुये जो पता लगया भई फरीसियें सुणया भई यीशु यूहन्ने ते जादा लोकां जो चेले बणाईराँ कने तिन्हांजो बपतिस्मा देई कराँ।

यूहन्ना 4:25

जनाने तिसने गलाया, “हऊँ जाणाँ इ भई मसीह सै जे परमेशरा रा अभिषिक्त माहणु कहलाया जां, औणे औल़ा; ताहली जे सै औंगा, तां तिस अहां जो सारियां गल्लां दसणियां।”

यूहन्ना 6:23

फेरी किछ होर छोट्टी किश्तियां तिबिरियास नगरा ते आईने तिसा जगह ले आईयां, तित्थी जे तिन्हे प्रभुये रा धन्यवाद करने ते बाद रोटी खाद्दि थी।

प्रकाशितवाक्य 11:3

मांह अपणयां दुईं गवांह जो ये अधिकार देणा कने तिन्हां बिलाप करने औल़ा कपड़ा यनि टाट ओडीने इक हज़ार दो सौ साट्ठ दिनां तका भविष्यवाणी करनी।