लूका 6:44 - बिलासपुरी नौआं नियम

⁴⁴ हर पेड़ अपणे फल़ा ते पछयाणया जां; काँह्भई लोक बराड़ियां ते अंजीर नीं तोड़दे, कने नां बुटड़यां ते अँगूर।

लूका 6:44 ပူးပေါင်းရင်းမြစ်များ

मत्ती 12:33

“जे पेड़ा जो खरा बोल्लो, तां तिसरे फल़ा जो बी खरा बोल्ला। जे पेड़ा जो बुरा बोल्लो, तां तिसरे फल़ा जो बी बुरा बोल्ला; काँह्भई पेड़ फल़ा तेई पछयाणया जां।

मत्ती 7:16

तिन्हांरे कम्मां ते तुहां तिन्हांजो पछयाणी लेणा। क्या कोई बराड़ियां ते अँगूर, कने ऊँटकटाराँ ते अंजीर तोड़ां ये?

मत्ती 7:20

इयां तिन्हांरे कम्मां ते तुहां तिन्हांजो पछयाणी लेणा।”

याकूब 3:12

मेरे साथी विश्वासियो, क्या अंजीरा रे डाल़ा पर जैतून या अंगूरां रिया बेला पर अंजीर लगी सक्कां ये? कदीं मनी, तियां इ मीठा पाणी नमकीन झरने ते नीं निकल़ी सक्कां।

यहूदा 1:12

ये लोक तुहांरी संगतिया रिया धाम्मां च तुहां सौगी शामिल त हुआं ये; पर ये लोक खतरनाक चट्टाना साई ये सै जे पाणिये च छिपि रियां हुआं इयां कने सै जे तुहांरे डुबणे री वजह बणी सक्कां ये। ये लोक बेशर्म चरवाहे साई ये सै जे सिर्फ अपणी ही रखवाल़ी कराँ ये। ये बिणा बरखा रे बद्दल़ ये, तिन्हौं जे हवा डुआईने लेई जांई; सै येढ़े पेड़ां साई ये तिसच जे फसला रे वगत फल़ नीं लगदे, कने जड़ां ते पटोईगरे यनि सै पूरी तरह मरी चुक्कीरे।