लूका 6:30 - बिलासपुरी नौआं नियम

³⁰ सै जे तेरते कोई चीज मंगां, तिस्सो देई दे; कने सै जे कोई तेरी चीज लेईने दूर चली जां, तिसाजो तिसते वापस लेणे री कोशिश नीं कर।

लूका 6:30 ပူးပေါင်းရင်းမြစ်များ

मत्ती 18:35

“इस तरिके ने जे तुहां चते हर इक मांह पर विश्वास करने औल़े जो मना ते माफ नीं करगा, तां मेरे पिता सै जे स्वर्गा चा, तुहांजो बी तेढ़ा इ बर्ताव करना।”

मत्ती 5:39

पर हऊँ तुहांजो बोलां भई किसी बुरे माहणुये रे कम्मां रा बदला देखां लेन्दा; पर जे कोई तेरिया सज्जिया खाखा पर चपैड़ मारीने तेरी बेज्जति करो, तां तिस खौ दुज्जी खाख बी फेरी दे।

मत्ती 6:12

कने जियां जे किन्हिये अहांरे बरोधा च पाप कित्या तिन्हांजो अहें माफ कराँ ये, तियां इ तू बी अहांरे पापां जो माफ कर।

लूका 11:41

अपणिया अन्तरात्मा जो परमेशरा ने जोड़ा, बजाये इसरे भई तुहें बाहरा री सफाई करो।

लूका 12:33

अपणी संपत्ति बेच्चीने गरीबां च बंडी दे; कने अपणे खातर येढ़े बटुये बणावा, सै जे पुराणे नीं हुन्दे, यनिके स्वर्गा च येढ़ा धन कट्ठा करा सै जे घटदा नींआ कने तिसरे नेड़े चोर नीं जान्दा, कने कीड़ा नीं बगाड़दा।

लूका 18:22

यीशुये तिसने गलाया, “इक काम्म तैं हूणा तक नीं कित्या, तेरले जितणी बी धन दौलत इ तू तिसाजो बेच्चीने सारा पैसा गरीबां च बंडी दे, कने मेरा चेला बणी जा, तां तिज्जो स्वर्गा च धन मिलणा।”

लूका 6:29

सै जे तेरिया इक्की खाखा पर चपैड़ मारीने बेज्जति करो तिस खौ दुज्जी बी फेरी दे; कने सै जे तेरा कुर्ता खोई लो, तिस्सो कुर्ता लेणे ते बी नीं रोक।

लूका 6:31

कने तेढ़ा जे बर्ताव तुहें चाँये भई लोक तुहां सौगी करो, तुहें बी तिन्हांने तेढ़ा इ वर्ताव करा।

लूका 6:38

लोकां जो खरियां चिज़ां देआ करा, तां परमेशरा तुहांजो बी खरियां चिज़ां देणियां; लोकां पूरा नाप दबाई-दबाई ने कने हिलाई-हिलाई ने कने उभरदा हुआ तुहांरिया गोदा च पाणा, काँह्भई जिस नापा ने जे तुहें नाप्पां ये, तिसने इ तुहांरे खातर बी नापया जाणा।”

प्रेरितां 20:35

मैं तुहांजो सब किछ करीने दस्या भई इयां-इयां मेहणत करीने कमजोराँ जो संभाल़णा कने प्रभु यीशुये रे वचन याद रखणे जरूरी ये, सै जे तिने अप्पूँ इ बोलीरा : ‘परमेशर अहांजो बौहत आशीष देआं ताहली जे अहें अपणे खातर लेणे रे बजाय दुज्जेयां जो दें।’ ”

2 कुरिन्थियों 8:9

काँह्भई अहांरे प्रभु यीशु मसीह रे अनुग्रह जो तुहें जाणाँ ये; भई सै अमीर हुन्दे हुये बी तुहांरे खातर गरीब बणीग्या, ताकि तिसरिया गरीबिया ते तुहें अमीर बणी जो।

इफिसियां 4:28

सै जे चोरी करदा आया, सै इसते बाद चोरी नीं करो, बल्कि तिस्सो काम्म करना चाहिन्दा, खुद अपणे हत्थां ने मेहणत करा, ताकि तिसले तिस्सो जे जरूरत इ, तिस सौगी बंडणे जो किछ हुई सक्को।