लूका 6:23 - बिलासपुरी नौआं नियम

²³ तिस दिन खुश हुईने उछल़यां, काँह्भई देक्खा, तुहांरे खातर स्वर्गा च बड्डा ईनाम रखीरा। तिन्हारे बाप-दादे भविष्यवक्तयां सौगी बी तियां इ करया राँ थे।

लूका 6:23 ပူးပေါင်းရင်းမြစ်များ

मत्ती 5:12

तां खुश कने मगन हुयां, काँह्भई तुहांरे खातर परमेशरे स्वर्गा च सै जे ईनाम रक्खीरा सै बौहत बड्डा। इस खातर भई लोकें तिन्हां भविष्यवक्तयां जो सै जे बौहत साल पैहले थे इयां इ सताईरा था।”

लूका 1:41

येढ़ा हुया भई जियां जे इलिशिबे, मरियमा री नमस्ते सुणी, तियां इ न्याणा तिसारे गर्भा च फुरने लगया, कने इलिशिबा पवित्र आत्मा ने भरीगी।

लूका 1:44

तियां जे तैं मिन्जो नमस्ते किति, तियां इ तेरी अवाज़ सुणी ने मेरे पेट्टा च न्याणा मौज्जा ने उछल़णे लग्या!

लूका 6:35

बल्कि अपणयां दुश्मणां ने प्यार रखा, कने तिन्हांरी भलाई करा, कने वापस लेणे री आशा न रखीने उधार देआ; कने तुहां खातर बड्डा ईनाम हूणा; कने तुहें परमप्रधान रे बच्चयां हूणा, काँह्भई सै तिन्हां पर बी सै जे धन्यवाद नीं करदे, कने बुरयां पर बी मेहरवानी कराँ ये।

प्रेरितां 14:10

कने बड़िया अवाज़ा च गलाया, “अपणे पैराँ रे भार सिधा खड़ा हुई जा।”

प्रेरितां 3:8

सै उटकी ने खड़ा हुईग्या कने चलने-फिरने लगया; कने चलदा, कने छालीं मारदा, कने परमेशरा री स्तुति करदा तिन्हां सौगी उछल़ कूद करदा हुआ मन्दरा रे अंगणा च गया।

प्रेरितां 5:41

सै इस गल्ला ते खुश हुईने महासभा रे सामणे ते चलीगे, भई अहें यीशुये रे खातर बदनाम हुणे लायक त बणे।

रोमियो 5:3

इतणा इ नीं, बल्कि ताहली जे अहें परेशानियां च हुआं ए तां बी आनन्दित हुई सक्कां ए, काँह्भई अहें जाणाँ ये भई ताहली जे अहें दुख सैआं ए तां बौहत अच्छे तरीके ने धीरज रखणा बी सिक्खां ए,

2 कुरिन्थियों 12:10

इसा वजह ने हऊँ मसीह रे खातर कमजोरियां, बेज्जतियां, गरीबिया, सताव कने कष्टां च खुश रैयां। काँह्भई ताहली जे हऊँ कमजोर हुआं तांई मसीह रिया सामर्था च मजबूत हुआं।

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

2 तिमुथियुस 2:12

जे अहें दुख सैयें तां तिस सौगी राज बी करना। जे अहें तिसरा इन्कार करगे, तां तिस बी अहांरा इन्कार करना,

इब्रानियों 11:26

मूसे सोच्चया भई मिस्र रे भण्डारा ते बड्डा धन पाणे ते मसीह रे खातर दुख सैहणा जादा कीमती आ, काँह्भई सै भविष्या च ईनाम पाणे री उम्मीद करी रां था।

इब्रानियों 11:6

कने सिर्फ विश्वासा रे जरिये परमेशरा जो खुश कित्या जाई सक्कां; काँह्भई परमेशरा रे नेड़े औणे औल़े जो विश्वास करना चाहिन्दा भई सै हया, कने सै जे तिस्सो जाणने री कोशिश कराँ ये तिन्हांजो सै ईनाम देआं।

याकूब 1:2

मसीह च मेरे विश्वासी भाईयो तुहां सब्बीं जो मेरा नमस्कार! ताहली जे तुहां पर कई तरह री मुशीवतां आओ, तां इस्सो बड़े मजे री गल्ल समझयों,

1 पतरस 4:13

पर आनन्दित रौआ, काँह्भई जिस तरिके ने मसीहे दुख सैहण कित्या, तियां इ तुहें बी दुख सैया कराँएं, तिसते जे तुहें मसीह यीशुये री महिमा रे प्रगट हुणे पर बौहत आनन्दित हुई सक्को।

प्रकाशितवाक्य 2:17

सै जे मेरी गल्ल समझणा चाँह सै ध्यान देईने सुणो, भई परमेशरा रा आत्मा कलीसियां ने क्या बोलणा चांह। सै जे जय पाओ, तिस्सो मांह गुप्त मन्ने चते देणा कने तिस्सो इक सफेद पत्थर बी देणा कने तिस पत्थरा पर इक नौं लिखिरा हूणा, तिसजो जे पाणे औल़े ते इलावा होर कोई नीं जाणी पांगा।”

प्रकाशितवाक्य 2:26

सै जे जय पाओ, कने आखिर तक मेरियां इच्छां जो पूरा करदा रौ, मांह तिस्सो सारी जातियां रे लोकां पर अधिकार देणा।

प्रकाशितवाक्य 2:7

सै जे मेरी गल्ल समझणा चाँह, सै ध्यान देईने सुणो भई परमेशरा रा आत्मा कलीसियां ने क्या बोलां। सै जे जय पाओ तिस्सो मांह जिन्दगिया रे डाल़ा चते सै जे परमेशरा रे स्वर्ग लोका चा, फल़ खाणे जो देणा।”

प्रकाशितवाक्य 21:7

सै जे जय पाओ सैई तिन्हां चिज़ां रा बारस हूणा; कने मांह तिसरे परमेशर हूणा, कने सै मेरा पुत्र हूणा।

प्रकाशितवाक्य 3:12

सै जे जय पाओ तिस्सो मांह अपणे परमेशरा रे मन्दरा च इक खम्भा बनाणा, तित्थी ते तिस कदीं बाहर नीं निकल़णा। कने मांह अपणे परमेशर रा नौं कने अपणे परमेशर रे नगर यनिके नये यरूशलेम रा नौं, सै जे मेरे परमेशरा रिया तरफा ते स्वर्गा ते उतरने औल़ा, कने मांह अपणा नया नौं बी तिस पर लिखणा।

प्रकाशितवाक्य 3:5

सै जे जय पांगा तिस्सो इयां इ सफेद कपड़े पहनाये जाणे, मांह तिसरा नौं जीवना रिया कताबा चते कदीं नीं कटणा; पर तिसरा नौं अपणे पिता कने तिसरे स्वर्गदूतां रे सामणे मन्नी लेणा।