लूका 6:22 - बिलासपुरी नौआं नियम

²² परमेशरा तुहांजो आशीष देणी, ताहली जे माहणुये रे पुत्रा रिया वजह ने लोकां तुहांजो बैर करना, कने तिस पर विश्वास करने औल़यां जो बुरा समझीने नकाल़ी देणा, कने तुहांरी निंध्या करनी, कने तुहांरा नौं बुरा जाणीने कटी देणा।”

लूका 6:22 ပူးပေါင်းရင်းမြစ်များ

मत्ती 10:18

तुहें मांह पर विश्वास करने रिया वजह ने राजपालां कने राजयां रे सामणे पेश कित्ते जाणे, काँह्भई तुहें मेरे चेले; तुहांजो मौका दित्या जाणा भई तुहें तिन्हांजो कने अन्यजातियां जो मेरे बारे च गवाही देओ।

मत्ती 10:22

माह पर विश्वास करने रिया बजह ने कईयां लोकां तुहांते बैर रखणा, पर सै जे आखिर तक माह पर विश्वास करदा रैहन्गा तिसजो बचाया जाणा।

मत्ती 10:39

सै जे माहणु अपणा प्राण बचाणे री कोशिश कराँ, तिसजो अनन्त जीवन नीं मिलणा; कने सै जे मेरे खातर अपणा प्राण देआं, तिस प्रभुये सौगी अनन्त जीवन पाणा।”

लूका 20:15

कने तिन्हे सै बगीचे ते रगड़ीने बाहर कड्डया कने मारीत्या।” फेरी यीशुये तिन्हाते पुच्छया, “तुहांजो क्या लगां? तिस बगीचे रा मालक तिन्हां करसाणां ने केढ़ा बरताव करगा?

लूका 21:17

मांह पर विश्वास करने रिया वजह ते सारयां लोकां तुहांजो बैर करना।

लूका 6:21

परमेशर तिन्हां लोकां जो आशीष देआं, जो परमेशर चाँह, तिसजो सै लोक, सै जे ईमानदारिया ने ग्रहण करने री इच्छा रक्खां ये; काँह्भई तिन्हौ तिस तृप्त हुणे तक हरेक चीज़ देणी। परमेशर तिन्हां लोकां जो आशीष देआं, सै जे हुण रोया दे ओ, काँह्भई येढ़ा बगत औणा ताहली जे तुहां खुश हुईने हसणा।

यूहन्ना 12:42

तां बी अधिकारियां चते बौहतीं तिस पर विश्वास कित्या, पर सै फरीसियां रिया वजह ते यीशुये जो सब्बीं रे सामणे इस खातर नीं ग्रहण करां थे, भई सै किति यहूदी सभा घर चते तिन्हाजो कड्डी नीं देओ;

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

यूहन्ना 17:14

मैं तेरा सन्देश तिन्हांजो दस्या, पर संसारा रे लोकें तिन्हांते नफरत कित्ती, काँह्भई सै संसारा रे नींये, तियां जे हऊँ संसारा रा निआं।

यूहन्ना 7:7

संसारा रे लोक तुहांजो बैर नीं करी सकदे, पर सै माहने बैर रक्खां काँह्भई हऊँ तिन्हांरे बरोधा च ये गवाही देआं भई तिन्हांरे काम्म बुरे।

यूहन्ना 9:34

तिन्हें तिसजो जबाब दित्या, “तू त तदका जे जम्मीरा तदका इ पापी आ, कने हुण तू अहांजो क्या सखाणे लगीरा?” कने तिन्हे तिसजो धक्के देईने यहूदी सभा घरा ते बाहर कड्डित्या।

प्रेरितां 22:22

लोक इसा गल्ला तका तिसरी सुणदे रये तां बड्डिया अवाज़ा च रड़ाये, “येढ़े माहणुये जो खत्म करो इसरा ज्यूंदा रैहणा ठीक निआं।”

प्रेरितां 24:5

काँह्भई अहें इस माहणुये जो इक उत्पात मचाणे औल़ा पाया। सारी दुनिया रे बौहत सारे यहूदी लोकां इने दंगे भड़काईरे, कने ये नासरियां रे कुपंथा रा मुखिया।

प्रेरितां 9:16

कने माह तिस्सो दसणा भई मेरे बारे च लोकां जो गलाणे खातर तिस्सो केढ़े-केढ़े दुख सैहणे पौणे।”

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

1 पतरस 3:14

पर जे तुहें सही काम्म करने पर दुख सैयां ये, तां तुहांजो परमेशरा आशीष देणी, तियां जे यशायाह भविष्यवक्ते लिखिरा तियां करा, “तिन्हांरे डराणे ते मत डरा कने नां घबरावा।”