लूका 6:21 - बिलासपुरी नौआं नियम

²¹ परमेशर तिन्हां लोकां जो आशीष देआं, जो परमेशर चाँह, तिसजो सै लोक, सै जे ईमानदारिया ने ग्रहण करने री इच्छा रक्खां ये; काँह्भई तिन्हौ तिस तृप्त हुणे तक हरेक चीज़ देणी। परमेशर तिन्हां लोकां जो आशीष देआं, सै जे हुण रोया दे ओ, काँह्भई येढ़ा बगत औणा ताहली जे तुहां खुश हुईने हसणा।

लूका 6:21 ပူးပေါင်းရင်းမြစ်များ

मत्ती 5:4

परमेशर तिन्हां लोकां जो आशीष देआं, सै जे दुख मनायें, काँह्भई परमेशर तिन्हांजो तसल्ली देआं।

मत्ती 5:6

परमेशर तिन्हां लोकां जो आशीष देआं, सै जे सच्चाईया ने तियां जीणे री इच्छा रक्खां ये, तियां जे कोई भुक्खा रे वगत खाणे पीणे री इच्छा रक्खां, काँह्भई तिन्हौं परमेशर सच्चाईया ने जीणे रे लायक बणां।

लूका 1:53

तिन्हे भूख्यां जो बधिया रोटी ख्वाईने रजाया कने सेठां जो खाली हत्थ बाहर कड्डया।

लूका 6:20

तिने अपणे चेलयां खौ देखीने बोल्या, “परमेशर तिन्हां लोकां ने बड़ा खुश आ, सै जे गरीब ये, काँह्भई परमेशर तिन्हां पर राज कराँ।

लूका 6:22

परमेशरा तुहांजो आशीष देणी, ताहली जे माहणुये रे पुत्रा रिया वजह ने लोकां तुहांजो बैर करना, कने तिस पर विश्वास करने औल़यां जो बुरा समझीने नकाल़ी देणा, कने तुहांरी निंध्या करनी, कने तुहांरा नौं बुरा जाणीने कटी देणा।”

लूका 6:25

हुण जे तुहें तृप्त ये, तां तिन्हांरे खातर कितणी भयानक सजा हूणी, काँह्भई तुहां भुख्यां रैहणा। हुण जे तुहें खुश ये, तां तुहांरे खातर कितणी भयानक सजा हूणी, काँह्भई तुहां दुख मनाणा कने रोणा।

यूहन्ना 11:35

यीशुये रिया आक्खीं ते परौल़े निकल़णे लगे।

यूहन्ना 4:10

यीशुये जबाब दित्या, “तू नीं जाणदी भई परमेशर तिज्जो क्या देणा चांह, कने तू नीं जाणदी भई कुण तेरते पाणी मंगया रां। जे तू जाणदी, तां तू माहते इस्सो मंगदी कने हऊँ तिज्जो जीवन देणे औल़ा पाणी देन्दा।”

यूहन्ना 6:35

यीशुये तिन्हांने गलाया, “जीवना री रोटी हऊँ इ : सै जे मेरले औंगा तिस कदीं भूखे नीं रैहणा कने सै जे माह पर विश्वास करगा, तिस कदीं प्यासे नीं हूणा।

1 कुरिन्थियों 4:11

अहें अज्जा तकौ भूखे, त्याये, कने फटे पुराणे कपड़े पैहनां ये, कने मार खांये, कने बेघर रैं;

2 कुरिन्थियों 11:27

मैं बौहत मेहणत करीने दुखां ते थक्कीने टुटिग्या, कईयां मौकयां च त मिन्जो सौणे बी नीं मिलया, कने ठण्डा ते बचणे खातर पैहनणे जो गर्म कपड़ा बी नीं था इस वजह ने कम्बदा रैया।

2 कुरिन्थियों 12:10

इसा वजह ने हऊँ मसीह रे खातर कमजोरियां, बेज्जतियां, गरीबिया, सताव कने कष्टां च खुश रैयां। काँह्भई ताहली जे हऊँ कमजोर हुआं तांई मसीह रिया सामर्था च मजबूत हुआं।

2 कुरिन्थियों 6:10

अहें दुखां रे वगता च बी, हमेशा खुश ये; हलाँकि अहें गरीब ये, फेरी बी बौहत लोकां जो आत्मिकता च अमीर बणाई दें। लोक समझां ये अहांले किछ निआं, जबकि अहांले त सब किछ आ।

याकूब 1:12

परमेशर तिसजो आशीष देआं सै जे मुशिबतां च अटल रैयां काँह्भई परीक्षां च खरा उतरने ते बाद तिस अनन्त जीवना रा मुकट पैहनणा, तिस्सो जे परमेशरे अपणे प्यार करने औल़यां जो देणे रा वायदा कित्तिरा।

प्रकाशितवाक्य 21:3

फेरी मैं किसी जो संघासणा चते ऊच्चिया अवाज़ा च ये बोलदे सुणया, “देख, परमेशरा रा वास लोकां रे बिच आ कने तिस तिन्हां सौगी वास करना, कने सै तिसरे लोक होणे; कने परमेशरा खुद तिन्हां सौगी रैहणा; कने तिस तिन्हांरे परमेशर हूणा।

प्रकाशितवाक्य 7:16

फेरी सै कदीं भुक्खे कने प्यासे नीं हुणे; सूरज कदीं तिन्हाजो जल़ाई नीं पांगा, कने नां कोई भयंकर गर्मी।