लूका 6:19 - बिलासपुरी नौआं नियम

¹⁹ सारे लोक यीशुये जो छूणे री कोशिश करया रां थे, काँह्भई तिसते सामर्थ निकल़ीने सारयां जो चंगा करया रां थी।

लूका 6:19 ပူးပေါင်းရင်းမြစ်များ

मत्ती 14:36

कने तिसने अरज करने लगे भई सै तिन्हांजो अपणे कपड़यां रिया कनारिया नेई छोणे देओ; कने जितने जे तिसने छोये, सै सब जणे ठीक हुईगे।

मरकुस 5:30

यीशुये जो ताहलूं इ महसूस हुईग्या भई मेरे चते सामर्थ्य निकल़ीरी, कने भीड़ा च चऊँ पासयां देखीने पुच्छया, “मेरे कपड़यां ने कुण छोया?”

मरकुस 6:56

कने तित्थी किति जे सै गाँवां, नगराँ, बस्तियां च जां था, लोक बमाराँ जो बज़ाराँ च बी रखीने तिसले अरज कराँ थे भई सै तिन्हांजो अपणे कपड़े जोई छूणे देओ : कने सै जे तिस्सो छुआं थे, सारे ठीक हुई जां थे।

मरकुस 8:22

यीशु कने तिसरे चेले बैतसैदा नगरा च आये; कने किछ लोक इक्की अन्हे जो यीशुये ली आये कने तिसने अरज किति भई तिस्सो छुओ।

लूका 5:17

इक दिन ताहली जे यीशु बचनां री शिक्षा देईराँ था, तां किछ फरीसी कने व्यवस्थापक बी ऊथी बैठिरे थे, ये लोक गलील कने यहूदिया प्रदेशा रे हर इक गाँवां ते कने यरूशलेम नगरा ते आईरे थे काँह्भई चंगा करने औल़ी प्रभुरी सामर्थ यीशुये सौगी थी।

लूका 6:18

सै यीशुये रियां गल्लां सुणने कने अपणी बमारियां ते छुटकारा पाणे खातर आईरे थे, कने तिन्हां च सै जे बुरीआत्मा रे सताईरे थे, ठीक कित्ते जाईराँ थे।

प्रेरितां 19:12

येत्थी तका भई रमाल कने पुआरने तिसरे शरीरा ने छुआई ने बमाराँ पर सट्टां थे, कने तिन्हांरियां बमारियां चली जां थिआं; कने बुरीआत्मां तिन्हां चते निकल़ी जां थिआं।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।