इन्हां बारा प्रेरितां रे नौं थे : पैहला शमौन, सै जे पतरसा रे नौआं ते जाणया गया, कने तिसरा भाई अन्द्रियास, जब्दिये रा पुत्र याकूब कने तिसरा भाई यूहन्ना।
यीशुये तिन्हांने गलाया, हऊँ तुहां लोकां ने सच्च बोलां भई नौंये जुगा च ताहली जे माहणुये रा पुत्र अपणे प्रतापी संघासणा पर बिराजमान हूणा, तां तुहां बी सै जे मेरे पिच्छे आईरे, बारा संघासणां पर बैठीने इस्राएल रे बारा गोत्राँ रा न्याय करना।
यीशु ताहली जे कई लोकां जो देक्खां तां तिस्सो लोकां पर तरस आया, काँह्भई सै लोक तियां इ सताईरे कने मजबूर थे, तियां जे सै भेड्डां हुआं इयां तिन्हांरा जे कोई रखवाल़ा नीं हुन्दा।
ताहली जे सै बारा प्रेरित तिन्हांजो जे यीशुये भेज्या था वापस आये कने आईने तिसरे चऊँ पासयां कट्ठे हुईगै, जो किछ तिन्हें कित्या कने सखाया था, सब किछ तिस्सो दस्या।
फेरी यीशुये बाराँ चेलयां जो अप्पूँ ले सद्दया कने तिन्हांजो बुरीआत्मां जो निकाल़णे रा अधिकार दित्या। इसते बाद तिने तिन्हांजो दो-दो रा जोड़ा बणाईने लग-लग गाँवां च भेज्या।
तिने खुद इ किसी जो प्रेरित हुणे रा बरदान दित्या, तां किसी जो भविष्यवक्ता हुणे रा, किसी जो खुशखबरिया रे प्रचारक हुणे रा, किसी जो परमेशरा रे लोकां री हिफाज़त करने कने सखाणे रा।
मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।
हऊँ चांह भई तुहें तिन्हां गल्लां जो याद करा तिन्हांजो जे पवित्र भविष्यवक्तयां बौहत पैहले बोल्या था, कने अहांरे प्रभु कने छुटकारा करने औल़े रे तिन्हां हुक्मां जो बी याद करा सै जे तुहांरे प्रेरितां यनि अहांरे जरिये दित्तिरे थे।