लूका 5:9 - बिलासपुरी नौआं नियम

⁹ तिने येढ़ा इस खातर गलाया भई इतणी जादा मच्छियां पकड़ी जाणे ते तिस्सो कने तिसरे साथियां जो बौहत हैरानी हुई।

लूका 5:9 ပူးပေါင်းရင်းမြစ်များ

मरकुस 9:6

काँह्भई सै नीं जाणदा था भई क्या जवाब देओ, इस खातर भई सै कने दुज्जे दो चेले बौहत डरी गरे थे।

लूका 2:18

कने जितणयां लोकें गद्दियां री गल्लां सुणियां सै सब जणे बड़े हैरान हुये।

लूका 4:32

सै तिसरे उपदेशा जो सुणीने हैरान हुईगे, काँह्भई तिसरा वचन अधिकारा सौगी था।

लूका 4:36

इस पर सारयां लोकां जो हैरानी हुई कने सै अप्पूँ चियें गलाणे लगे, “ये केढ़ा वचन आ? भई सै अधिकारा कने सामर्थय ने बुरीआत्मा जो हुक्म देआं, कने सै निकल़ी जाईयां”

लूका 5:10

कने तियां इ जब्दिये रे पुत्र, याकूब कने यूहन्ने जो बी, सै जे शमौना रे साथी थे, हैरानी हुई फेरी यीशुये शमौना जो गलाया, “मत डरदा, हूणा ते तू मच्छियां जो नीं, माहणुआं जो मेरेले ल्यौणा।”

लूका 5:8

येढ़ा देखीने ताहली शमौन पतरस प्रभु यीशुये रे पैराँ च पैईया कने गलाया, “प्रभु जी, मेरे लाते चली जावा, काँह्भई हऊँ इक पापी माहणु आ कने तुहांरे सामणे रैहणे लायक निआं।”