लूका 5:29 - बिलासपुरी नौआं नियम

²⁹ कने लेविये अपणे घरें यीशुये रा आदर करने खातर इक बड्डी धाम दित्ति; कने चुंगी लेणे औल़यां री कने होर मेहमान्नां री सै जे तिस सौगी रोटी खाणे बैट्ठे थे तिन्हांरी इक बड्डी भीड़ थी।

लूका 5:29 ပူးပေါင်းရင်းမြစ်များ

मत्ती 11:19

पर ताहली जे हऊँ यनि माहणुये रा पुत्र आया, सै जे आम लोकां साई खां-पीआं, पर लोक बोलां ये, ‘इस माहणुये जो देक्खा, ये पेटू कने पियक्कड़ आ; ये चुंगी लेणे औल़यां कने पापियां’ रा मित्र आ! पर माहणुये रे कम्मां ये सावित करना भई कुण बुद्धिमान आ।”

मत्ती 5:46

काँह्भई जे तुहें अपणे प्यार रखणे औल़यां नेई प्यार रखां ये, तां तुहांजो परमेशरा कजो ईनाम देणा? क्या टैक्स लेणे औल़े बी येढ़ा इ नीं करदे?”

मत्ती 9:10

कने ताहली जे सै घरें रोटी खाणे बैट्ठया, तां मते सारे चुंगी लेणे औल़े कने पापी आईने यीशु कने तिसरयां चेलयां सौगी खाणे बैट्ठे।

मत्ती 9:9

ऊत्थीते अग्गे बधीने यीशुये मत्ती नौंवां रे इक्की माहणुये जो चुंगी लेणे औल़े नाक्के पर बैठिरा देख्या कने तिसजो बोल्या, “मेरे सौगी औ।” इस खातर सै उट्ठया कने तिसरे पिच्छे चलीप्या।

मरकुस 2:15

किछ दिनां ते बाद यीशु कने तिसरे चेले लेविये रे घरें राति जो रोटी खाया रां थे। बौहत सारे चुंगी लेणे औल़े कने तिन्हांजो जे लोक पापी मन्नां थे तिन्हां सौगी रोटी खाणे बैट्ठे; काँह्भई सै बौहत सारे थे, कने यीशुये सौगी हरेक जगह जाया कराँ थे।

लूका 15:1

यीशु ताहली जे उपदेश देआं था तां बौहत सारे चुंगी लेणे औल़े कने पापी लोक तिसरियां गल्लां जो सुणने खातर तिसले औआं थे।

यूहन्ना 12:2

तित्थी यीशुये रा आदर करने खातर तिन्हें धाम बणाई; कने मार्था परोसया राँ थी। यीशुये सौगी रोटी खाणे औल़यां च लाजर बी था।

1 कुरिन्थियों 10:27

कने जे अविश्वासियां चते कोई तुहौं निऊंदा देओ, कने तुहें जाणा चाओ, तां जो किछ तुहांरे सामणे रखया जाओ सैई खायों: कने अन्तरात्मा रिया वजह ते किछ नीं पुच्छयों।