लूका 5:22 - बिलासपुरी नौआं नियम

²² यीशुये तिन्हारे मना री गल्लां जाणीने, तिन्हांने बोल्या, “तुहें अपणे मना च बुरा बचार कजो करी रांये?

लूका 5:22 ပူးပေါင်းရင်းမြစ်များ

मत्ती 12:15

ये जाणीने यीशु ऊत्थीते चलिग्या। काफी लोक तिसरे पिच्छे चली पे, कने तिने सब्बीं जो चंगा कित्या,

मत्ती 12:25

यीशु तिन्हांरे मना री गल्लां जाणीने तिन्हांजो गलाणे लगया, “जे इक्की देशा रे लोक इक्की दूये ने लड़दे रौ, तां तिन्हांरा देश उजड़ी जां; कने तियां इ जे कोई नगर या परिवार तिसच जे लड़ाई पैईजो, सै टुकड़े-टुकड़े हुईने बिखरी जां।

मत्ती 9:4

यीशुये तिन्हांरे मना रियां गल्लां जाणीने बोल्या, “तुहें लोक अपणे-अपणे मनां च बुरा बचार काँह करी रायें?

मरकुस 8:17

ये जाणीने यीशुये तिन्हाजो गलाया, “अहांले रोटी नीं बोल्लीने तुहें कजो अप्पूँ चियें विचार करी रायें? तुहौं हूणा तक समझी जाणा चाहिन्दा था भई जे रोटी चाहिन्दी तां हऊँ तुहांजो अदभुत रितिया ने रोटी देई सक्कां! पर तुहें येढ़ा नीं सोच्ची रायें!

लूका 24:38

तिने तिन्हांने गलाया, “तुहें मता डरदे, हऊँ कुण आ, इसा गल्ला रा तुहें अपणे मनां च बैहम काँह करी रायें?

लूका 5:21

फेरी शास्त्री कने फरीसी अपणे-अपणे मनां च बिचार करने लगे भई, “ये कुण आ, सै जे परमेशरा री निंध्या कराँ? परमेशरा जो छड्डिने कुण पापां जो माफ करी सक्कां?”

लूका 5:23

क्या येढ़ा बोलणा सान आ हूणा? तेरे पाप माफ हुये या येढ़ा बोलणा भई उट्ठ कने चलने लग?

प्रेरितां 5:3

पतरसे गलाया, “हे हनन्याह! सै जे शैताने तेरे मना च पवित्र आत्मा ने झूट्ठ बोलणे रा विचार पाया, कने तुहें अपणी बेच्ची रिया धरतिया रे पैसयां चते थोड़े जे रखी लो?

इब्रानियों 4:12

काँह्भई परमेशरा रा वचन जिऊंदा, सामर्थी, कने हरेक दोधारी तलवारी ते बी बौहत पैना; सै अहांरे प्राण कने आत्मा जो गहराईया तक बिन्हां, तियां जे इक तेज तलवार अहांरे हरेक जोड़ां जो, कने गुदे-गुदे जो लग करीने आर-पार बिन्ही देईं, कने मनां रियां भावनां कने विचाराँ जो परखी लेआं।

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।