लूका 4:7 - बिलासपुरी नौआं नियम

⁷ इस खातर जे तू मेरे अग्गे मत्थाटेकगा कने मेरी अराधना करगा, तां ये सब किछ तेरा हुई जाणा।”

लूका 4:7 ပူးပေါင်းရင်းမြစ်များ

मत्ती 2:11

सै घरा रे अन्दर गये कने तिन्हे तिसरी माता मरियमा सौगी बच्चे रे दर्शण कित्ते; तिन्हे बच्चे रे अग्गे मत्था टेक्कीने अराधना कित्ती, कने अपणा-अपणा झोल़ा खोल्ली ने कीमती तोहफे तियां जे सोना, लोबान, कने गन्धरसा (मुर्र) री भेन्ट चढ़ाई।

लूका 17:16

सै मुँआं रे भार यीशुये रे पैराँ पर पैईने तिसरा धन्यवाद करने लगया; कने सै इक सामरी माहणु था।

लूका 4:6

कने शैताने तिसने गलाया, “हऊँ ये सारा अधिकार कने इन्हांरा सारा राज-पाठ तिज्जो देंगा, काँह्भई ये सब किछ मिन्जो सौंपीरा; कने हऊँ तिस्सो जे चाऊँ तिस्सो देई सक्कां।

लूका 4:8

यीशुये तिस्सो जवाब दित्या, “पवित्रशास्त्रा च ये बी लिखिरा भई, तू सिर्फ अपणे प्रभु परमेशरा री अराधना कर कने तिसरी इ सेवा टैहल कर।”

लूका 8:28

जियां जे तिने यीशुये जो देख्या, सै रड़ाया कने तिन्हारे सामणे धरतिया पर पैईने ऊच्चिया अवाज़ा च बोलणे लगया, “हे यीशु, परमप्रधान परमेशरा रे पुत्र, तू मिन्जो कष्ट कजो देआं? हऊँ तुहांते बिनती कराँ भई मिन्जो सजा नीं दे!”

प्रकाशितवाक्य 22:8

हऊँ सैई यूहन्ना, तिने जे ये गल्लां सुणी कने देक्खी। कने ताहली जे मैं सुणया कने देख्या, तां सै जे स्वर्गदूत मिन्जो ये गल्लां दिखां था, हऊँ तिसरे पैरा पर अराधना करने खातर मुँआं रे भार पैईग्या।

प्रकाशितवाक्य 4:10

तां इन्हें चौबी प्राचीनें सै जे संघासणा पर बैट्ठीरे परमेशरा रे सामणे धरतिया पर मुँआ रे भार पैईने अराधना कित्ती, कने सै अपणे-अपणे मुकट संघासणा रे सामणे येढ़ा बोलदे हुये रखी दें,

प्रकाशितवाक्य 5:8

ताहली जे तिने कताब लेई ली, तां सै चारों प्राणी कने चौबी प्राचीनें तिस मेमने रे सामणे धरतिया पर मुँआ रे भार पैईने प्रणाम कित्या। तिन्हां चते हरेक रे हत्था च वीणा कने धूपा ने भरीरे सोने रे कटोरे थे, ये परमेशरा रे लोकां रियां प्राथनां इयां।