लूका 4:31 - बिलासपुरी नौआं नियम

³¹ फेरी सै गलील प्रदेशा रे कफरनहूम नगरा च गया, कने विस्राम रे दिन लोका जो उपदेश देणे लगया।

लूका 4:31 ပူးပေါင်းရင်းမြစ်များ

मत्ती 10:23

ताहली जे सै तुहांजो इक्की नगरा च सताणे लगो, तां दुज्जे नगरा जो चली जायों। हऊँ तुहांजो सच्च बोलां भई तुहें माहणुये रे पुत्रा रे औणे ते पैहले इस्राएल रे सारे नगराँ चियें गये बी नीं हुणे।

मत्ती 4:13

कने सै नासरत जो छड्डिने कफरनहूम रे तिस इलाके च गया सै जे गलील दरयावा रे कनारे बसीरा था, तित्थी जे जबूलून कने नप्ताली गोत्राँ रे लोक रैयां थे।

लूका 4:23

फेरी यीशुये तिन्हाजो गलाया, “शायद तुहां मेरे ऊपर ये कहावत जरूर बोलणी, भई बैद अप्पूँजो ठीक कर! कने जो किछ अहें सुणया भई जिस तरिके ने जे तैं कफरनहूम नगरा च सामर्था रे काम्म कित्ते, तिस तरिके ने येत्थी अपणे नगरा च काँह नीं करदा?

प्रेरितां 13:50

पर यहूदी अगुवेयां भगत कने कुलीन जनानां जो कने नगरा रे ताकतवर लोकां जो भड़काया, कने पौलुसा कने बरनबासा रे बरोधा च उपद्रव कराई ने तिन्हांजो अपणिया सीमा ते कड्डित्या।

प्रेरितां 18:4

कने पौलुस हर विस्राम रे दिन यहूदी सभा घर च वाद-विवाद करीने यहूदियां कने यूनानियां जो बी यीशु मसीह पर विश्वास करने जो समझां था।