लूका 4:18 - बिलासपुरी नौआं नियम

¹⁸ “प्रभुरा आत्मा मेरे ऊपर आ, काँह्भई तिने गरीबां जो खुशखबरी सुनाणे रे खातर मेरा अभिषेक कीतिरा। तिने हऊँ भेजीरा, भई हऊँ सै जे शैतान्ना रिया कैदा चे तिन्हाजो छुटकारे रा, कने अन्हेयां जो नज़र पाणे री खुशखबरी देऊं, कने दुख तकलीफां च फसीरे लोकां जो छड़वाऊँ।

लूका 4:18 ပူးပေါင်းရင်းမြစ်များ

मत्ती 11:5

भई अन्हे देक्खां ये कने लंगड़े चला फिराँ ये, कोढ़ी ठीक कित्ते जांये कने टौणे सुणां ये, मुड़दे जिऊंदा कित्ते जायें, कने दीन दुखियां जो यीशु मसीह रिया खुशखबरिया रा प्रचार कित्या जां।

मत्ती 12:18

“देक्खा, ये मेरा सेबक आ, तिसजो जे मैं चुणीरा; ये मिन्जो प्यारा, हऊँ इसते बड़ा खुश आ: मांह अपणा ‘आत्मा’ इसरे बिच भेजणा, कने तिस सारयां देशां रे अन्यजातियां जो न्याय रा प्रचार करना।

मत्ती 12:20

जिस किसी जो बी कोई समस्या इ सै इक बुझदे हुए दिऊए साई आ प्रभुये तिसरा नुक्शान नीं होणे देणा, पर आखिर च तिस न्याय करवाएगा।

मत्ती 4:16

ये लोक परमेशरा जो नीं जाणदे ये तिन्हां लोकां साई ये सै जे अन्धेरे च बैठिरे थे, तिन्हौं परमेशरा रा सनेहा पापां ते छुटकारा देआं; कने सै जे अनन्त काल रिया मौती रे अन्धकारा रे देशा च थे, तिन्हां पर परमेशरा रे सनेहे री लोय चमकी।”

मत्ती 5:3

“परमेशर तिन्हां लोकां जो आशीष देआं, सै जे जाणाँ ये भई तिन्हौं परमेशरा री जरूरत इ, काँह्भई सै तिन्हां पर राज कराँ।

लूका 4:17

कने तिन्हाजो यशायाह भविष्यवक्ता री कताब पढ़ने खातर दित्ति, सै कताबा जो खोल्ली ने तिसा जगह ते पढ़ने लगे तित्थी जे येढ़ा लिखिरा था,

लूका 6:20

तिने अपणे चेलयां खौ देखीने बोल्या, “परमेशर तिन्हां लोकां ने बड़ा खुश आ, सै जे गरीब ये, काँह्भई परमेशर तिन्हां पर राज कराँ।

लूका 7:22

यीशुये यूहन्ने रे चेलयां ने बोल्या, “सै जे किछ तुहें देख्या कने सुणया, जाईने यूहन्ने ने बोल्ला; भई अन्हे देक्खां ये, कने लंगड़े हन्डणे फिरने लगे, कोढ़ी शुद्ध कित्ते जायें, टौणे सुणां ये, कने मुड़दे जिऊंदा कित्ते जायें, कने गरीबां जो खुशखबरी सुणाई जाईं।

यूहन्ना 1:41

तिने पैहले अपणे सके भाईये शमौना ने मिल़िने तिसजो गलाया, “भाई अहांजो मसीह, मिलीग्या।”

यूहन्ना 12:46

हऊँ संसारा च जोत बणीने आईरा, इस खातर भई सै जे मेरे पर विश्वास करगा सै अन्धेरे च नीं रौ।

यूहन्ना 3:34

काँह्भई तिस्सो जे परमेशरे भेज्जीरा, सै परमेशरा रियां इ गल्लां बोलां; काँह्भई ये सैई आ तिसजो जे परमेशरे पवित्र आत्मा पूरे तरिके ने देई दित्तिरा।

प्रेरितां 10:38

परमेशरे कियां-कियां नासरत नगरा रे यीशुये जो पवित्र आत्मा कने सामर्था ते अभिषेक कित्या; सै भलाई करदा कने जितने लोक सै जे शैताने सताईरे थे, ठीक करदा फिरया, काँह्भई परमेशर तिसने सौगी था।

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

प्रेरितां 4:26

प्रभु कने तिसरे मसीह रे बरोधा च धरतिया रे राजे खड़े हुये, कने हाकम सौगी कट्ठे हुईगे।’

प्रेरितां 4:27

“काँह्भई सचमुच तेरे सेवक यीशुये रे बरोधा च, तिस राजे तैं अभिषेक कित्या, हेरोदेस कने पुन्तियुस पिलातुस बी अन्यजातियां कने इस्राएलियां ने सौगी इस नगरा च कट्ठे हुये,

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

याकूब 2:5

मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा?

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।