लूका 4:16 - बिलासपुरी नौआं नियम

¹⁶ फेरी यीशु नासरत नगरा च वापस आया, तित्थी जे सै पल़या-बढ़या था, तां अपणी रीता रे मुतावक सै विस्रामा रे दिन यहूदी सभा घरा च गया कने ऊथी पवित्रशास्त्र पढ़ने खातर खड़ा हुआ।

लूका 4:16 ပူးပေါင်းရင်းမြစ်များ

मत्ती 2:23

कने नासरत नौआं रे नगरा च जाईने बसीग्या, ताकि सै बचन पूरा ओ, सै जे भविष्यवक्तयां यीशुये रे बारे च दस्या था : भई “तिस्सो लोकां जाणना भई सै नासरत नगरा ते आ।”

लूका 2:39

यीशुये रे मौ-बुढ़यां प्रभुये रे व्यवस्था रे मुतावक सारी जरूरी गल्लां पूरी कित्ती यां, तिसते बाद सै गलील प्रदेशा रे नासरत नगरा च अपणे घरा जो बापस आईगे।

लूका 2:42

ताहली जे यीशु बाराँ साल्लां रा हुईग्या, तां सै त्योहारा रिया रितिया रे मुतावक यरूशलेम जो गये।

लूका 2:51

फेरी सै तिन्हां सौगी नासरत जो वापस आईग्या, कने तिन्हारा हुक्म मनदा रैया; कने तिसरी माते ये सारी गल्लां अपणे मना च रखी।

लूका 4:15

कने सै तिन्हां इ यहूदी सभा घराँ च उपदेश करदा रैया, कने सब लोक तिसरी बडयाई करदे रैये।

लूका 4:17

कने तिन्हाजो यशायाह भविष्यवक्ता री कताब पढ़ने खातर दित्ति, सै कताबा जो खोल्ली ने तिसा जगह ते पढ़ने लगे तित्थी जे येढ़ा लिखिरा था,

लूका 4:21

कने सै तिन्हाने गलाणे लगया, “जो किछ तुहें पवित्रशास्त्रा री गल्ल हुण सुणी सै आज्ज पूरी हुई!”

लूका 4:23

फेरी यीशुये तिन्हाजो गलाया, “शायद तुहां मेरे ऊपर ये कहावत जरूर बोलणी, भई बैद अप्पूँजो ठीक कर! कने जो किछ अहें सुणया भई जिस तरिके ने जे तैं कफरनहूम नगरा च सामर्था रे काम्म कित्ते, तिस तरिके ने येत्थी अपणे नगरा च काँह नीं करदा?

यूहन्ना 18:20

यीशुये जबाब दित्या, “मैं सदा लोकां च रईने सारयां ने खुल्लेआम गल्ल-बात किति; मैं यहूदी सभा घराँ कने मन्दरा च तित्थी जे सारे लोक कट्ठे हुआं ये, सदा उपदेश दित्या। मैं कदीं बी लुखी-छिपिने किछ नीं गलाया।

प्रेरितां 17:2

पौलुस अपणी रितिया रे मुतावक तिन्हां ला गया, कने तिन्न हफ्ते तका पवित्रशास्त्रा ते तिन्हांने वाद-विवाद करदा रैया;