लूका 4:1 - बिलासपुरी नौआं नियम

¹ फेरी यीशु पवित्र आत्मा रिया अगुवाईया च, यरदन ते वापस आया; कने चाल़ियां दिनां तक आत्मा रे सखाणे ते सुनसान जगह च फिरदा रैया।

लूका 4:1 ပူးပေါင်းရင်းမြစ်များ

मत्ती 3:16

कने यीशु बपतिस्मा लेईने तियां जे पाणिये चते बाहर निकल़या, तिसरे खातर स्वर्ग खुलीग्‍या, कने तिने परमेशरा रे आत्मे जो इक कबूतरा साई उतरदे कने अपणे ऊपर औन्दे देख्या।

लूका 2:27

पवित्र आत्मा री अगुवाईया ते सै मन्दरा जो गया कने तिस इ दिन मरियम कने यूसुफ न्याणे यीशुये जो यहूदी व्यवस्था रे मुतावक परमेशरा ले अर्पण करने आईरे थे।

लूका 3:3

कने सै यरदन रे आसे पासे रे सारे प्रदेशा च आईने, अपणे पापां रिया माफिया रे खातर मन फिरावा रे बपतिस्मे रा प्रचार करने लगया।

लूका 3:38

केनान इनोश रा पुत्र था, कने इनोश शेत रा पुत्र था। शेत आदम रा पुत्र था, कने आदम परमेशरा रा पुत्र था (काँह्भई आदम जो परमेशरे अपणे रुपा च बणाया था)।

लूका 4:14

फेरी यीशु पवित्र आत्मा रिया सामर्थय च गलील प्रदेशा जो वापस आया, कने आस-पड़ोस रे सारेयां लाकयां च तिसरे कम्मां रे चर्चे हुणे लगे।

लूका 4:18

“प्रभुरा आत्मा मेरे ऊपर आ, काँह्भई तिने गरीबां जो खुशखबरी सुनाणे रे खातर मेरा अभिषेक कीतिरा। तिने हऊँ भेजीरा, भई हऊँ सै जे शैतान्ना रिया कैदा चे तिन्हाजो छुटकारे रा, कने अन्हेयां जो नज़र पाणे री खुशखबरी देऊं, कने दुख तकलीफां च फसीरे लोकां जो छड़वाऊँ।

यूहन्ना 1:32

फेरी यूहन्ने ये गवाही दित्ति : “मैं आत्मा जो कबूतरा साई स्वर्गा ते उतरदे देख्या, कने सै तिस पर टिकिग्या।

यूहन्ना 3:34

काँह्भई तिस्सो जे परमेशरे भेज्जीरा, सै परमेशरा रियां इ गल्लां बोलां; काँह्भई ये सैई आ तिसजो जे परमेशरे पवित्र आत्मा पूरे तरिके ने देई दित्तिरा।

प्रेरितां 1:2

तिस दिना तक तदुआं तका जे यीशुये जो परमेशर स्वर्गा च लेईने नीं गया। पर स्वर्ग जाणे ते पैहले तिने अपणे प्रेरितां जो तिन्हांजो जे तिने चुणया था पवित्र आत्मा रिया अगुवाईया ते हुक्म दित्या था।

प्रेरितां 10:38

परमेशरे कियां-कियां नासरत नगरा रे यीशुये जो पवित्र आत्मा कने सामर्था ते अभिषेक कित्या; सै भलाई करदा कने जितने लोक सै जे शैताने सताईरे थे, ठीक करदा फिरया, काँह्भई परमेशर तिसने सौगी था।

प्रेरितां 8:39

तां जे सै पाणिये चते निकल़ीने ऊपर आये, तां प्रभुये रा आत्मा फिलिप्पुसा जो चक्कीने लईग्या, कने खोजे तिस्सो फेरी नीं देख्या कने खुशी मनांदा अपणे रस्ते च चली गया।