लूका 3:3 - बिलासपुरी नौआं नियम

³ कने सै यरदन रे आसे पासे रे सारे प्रदेशा च आईने, अपणे पापां रिया माफिया रे खातर मन फिरावा रे बपतिस्मे रा प्रचार करने लगया।

लूका 3:3 ပူးပေါင်းရင်းမြစ်များ

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

लूका 1:16

ताहली जे तिस बड्डे हुई जाणा, ताहली तिस अपणे प्रचारा ते मते सारयां इस्राएली लोकां जो तिन्हारे प्रभु परमेशरा पासे लैई औणा।

लूका 1:77

तू अपणयां लोकां जो ये सखाणा भई सै कियां तिन्हांजो छुटकारा देणे रे खातर तिन्हांरे पापां जो माफ कराँ।

लूका 4:1

फेरी यीशु पवित्र आत्मा रिया अगुवाईया च, यरदन ते वापस आया; कने चाल़ियां दिनां तक आत्मा रे सखाणे ते सुनसान जगह च फिरदा रैया।

यूहन्ना 1:28

ये गल्लां यरदन नदिया रे पार बैतनिय्याह नगरा च हुईयां, तित्थी जे यूहन्ना बपतिस्मा देआं था।

यूहन्ना 3:26

इस खातर यूहन्ने रे चेले तिसले आये कने गलाया, “गुरू जी, सै माहणु जे यरदन नदिया रे पार तुहां सौगी था, कने तिसरे बारे च जे तुहें गल्ल कित्ती थी, सै माहणु बपतिस्मा देआं, कने हर इक माहणु तिसलौ बपतिस्मा लेणे जाया रां।”

प्रेरितां 13:24

तिसरे औणे ते पैहले यूहन्ने सबनीं इस्राएलियां जो प्रचार कित्या भई अपणे पापां ते मन फिरावा कने बपतिस्मा लौआ, तां परमेशरा तुहांरे पाप माफ करने।

प्रेरितां 19:4

पौलुसे गलाया, “यूहन्ने ये बोलीने मन फिराणे रा बपतिस्मा दित्या भई सै जे मेरे बाद औणे औल़ा, तिस पर यनि यीशु मसीह पर विश्वास करयों।”

प्रेरितां 22:16

हुण देर काँह करया राँ? उट्ठ बपतिस्मा लै, कने यीशु मसीह पर विश्वास कर ताकि परमेशर तेरे पाप माफ करो’।”