लूका 3:22 - बिलासपुरी नौआं नियम

²² कने पवित्र आत्मा शरीर रे रुपा च कबूतरा साई तिस पर उतरया, कने स्वर्गा ते ये अवाज़ आई : भई, “तू मेरा प्यारा पुत्र आ, हऊँ तेरते बड़ा खुश आ।”

लूका 3:22 ပူးပေါင်းရင်းမြစ်များ

मत्ती 12:18

“देक्खा, ये मेरा सेबक आ, तिसजो जे मैं चुणीरा; ये मिन्जो प्यारा, हऊँ इसते बड़ा खुश आ: मांह अपणा ‘आत्मा’ इसरे बिच भेजणा, कने तिस सारयां देशां रे अन्यजातियां जो न्याय रा प्रचार करना।

मत्ती 17:5

सै हल्तियें गल्ल करयां इ कराँ था भई इक चमकदे हुये बद्दल़े सै ढक्कीले, कने बद्दल़ा चते अकाशवाणी हुई : भई “ये मेरा प्यारा पुत्र आ, तिसते जे हऊँ बड़ा खुश आ: इसरी सुणा।”

मत्ती 27:43

इने परमेशरा पर भरोसा रखया; जे सै इस्सो चाँह, तां हुण इसजो छडवाई लो, काँह्भई इने गलाया था, हऊँ परमेशरा रा पुत्र आ।”

मत्ती 3:13

तिस बगत यीशु गलील प्रदेशा ते यरदन नदिया रे कण्डे यूहन्ने ले तिसते बपतिस्मा लेणे आया।

मत्ती 3:16

कने यीशु बपतिस्मा लेईने तियां जे पाणिये चते बाहर निकल़या, तिसरे खातर स्वर्ग खुलीग्‍या, कने तिने परमेशरा रे आत्मे जो इक कबूतरा साई उतरदे कने अपणे ऊपर औन्दे देख्या।

मत्ती 3:17

कने स्वर्गा ते इक अवाज़ आई: “ये मेरा प्यारा पुत्र आ, तिसते जे हऊँ बौहत खुश आ।”

मरकुस 1:11

कने परमेशरे स्वर्गा ते यीशुये जो गलाया भई, “तू मेरा प्यारा पुत्र आ, तेरते हऊँ बड़ा प्रसन्न आ।”

मरकुस 1:9

तिस वगत ताहली जे यूहन्ना प्रचार करीराँ था, यीशुये गलील प्रदेशा रे नासरत नगरा ते आईने, यरदन नदिया च यूहन्ना ते बपतिस्मा लैया।

मरकुस 9:7

फेरी इक्की बद्दल़े तिन्हांजो ढकीत्या, कने परमेशरे बद्दल़ा चते बोल्या, “ये मेरा प्यारा पुत्र आ, इस खातर तुहें इसरी सुणा।”

लूका 2:14

स्वर्गा च परमेशरा री बडयाई ओ कने धरतिया पर तिन्हां माहणुआं ते जे परमेशर खुश आ तिन्हां पर सुख-शान्ति ओ।

लूका 4:21

कने सै तिन्हाने गलाणे लगया, “जो किछ तुहें पवित्रशास्त्रा री गल्ल हुण सुणी सै आज्ज पूरी हुई!”

यूहन्ना 1:32

फेरी यूहन्ने ये गवाही दित्ति : “मैं आत्मा जो कबूतरा साई स्वर्गा ते उतरदे देख्या, कने सै तिस पर टिकिग्या।

यूहन्ना 12:28

हे पिता परमेशर, अपणी महिमा परगट कर।” तिस इ वगत स्वर्गा ते ये अवाज़ आई, “मैं इसरी महिमा कित्ती, कने फेरी दोबारा करनी।”

यूहन्ना 5:37

कने पिता परमेशर तिने जे हऊँ भेज्जिरा, तिने इ मेरी गवाही दित्ति। तुहें लोकें न कदीं तिसरी अवाज सुणिरी, कने न तिस्सो आमणे सामणे देखीरा;

प्रेरितां 10:38

परमेशरे कियां-कियां नासरत नगरा रे यीशुये जो पवित्र आत्मा कने सामर्था ते अभिषेक कित्या; सै भलाई करदा कने जितने लोक सै जे शैताने सताईरे थे, ठीक करदा फिरया, काँह्भई परमेशर तिसने सौगी था।

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

1 पतरस 2:4

प्रभु यीशुये ले औआ सै जे जीवित पत्थर आ, तिसजो जे लोके निकम्मा समझीने त्यागी तरा, पर परमेशरे तिसजो चुणया कने सै तिसरे खातर कीमती आ।