लूका 3:16 - बिलासपुरी नौआं नियम

¹⁶ तां यूहन्ने येढ़ा बोलीने तिन्हारे सवाला रा जवाब दित्या, “हऊँ त तुहांजो पाणिये च बपतिस्मा देआं, पर सै औणे औल़ा सै जे मेरते बी सामर्थी आ; हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ। तिस तुहांजो पवित्र आत्मा कने अग्गी च बपतिस्मा देणा।

लूका 3:16 ပူးပေါင်းရင်းမြစ်များ

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

मत्ती 3:12

यीशु तिस माहणुये साई आ तिसरे हत्था च जे छज आ, तिसने सै दाणयां जो भूआ ते लग करीने, अपणे ख्वाड़े ते साफ कित्तिरे सारे नाजा जो कट्ठा करीने पेड़ुये च भरी देआं, कने भूआ जो अग्गी च फुकी देआं, तियां इ परमेशरा धर्मी लोकां जो अधर्मियां ते लग करीने स्वर्गा जो लैई जाणा कने सै आग्ग जे कदीं नीं बुझदी अधर्मियां जो भूआ साई तिसा अग्गी च पाई देणा।”

यूहन्ना 1:26

तिन्हांजो जबाब देन्दे हुये यूहन्ने गलाया, “हऊँ त पाणिये ने बपतिस्मा देआं, पर तुहांरे बिच इक माहणु खढ़िरा तिस्सो जे तुहें नीं जाणदे।

यूहन्ना 1:27

यनिके ये सैई हाया तिस जे मेरते बाद तुहांजो प्रचार करना, हऊँ तिसरे मुकावले किछ बी नींआ, सै इतणा खास आ भई हऊँ इक्की सेवका रा सब्बीं ते छोट्टा काम्म तिस खातर करना चाओ, तां बी लायक नींआ।”

यूहन्ना 1:33

हऊँ त तिस्सो पछयाणदा बी नीं था, भई सै मसीह था, पर तिने जे मिन्जो पाणिये ते बपतिस्मा देणे जो भेज्जिरा, तिने इ माहने गलाया, ‘तिसरे ऊपर जे तू पवित्र आत्मा जो औंदे कने टिकदे देक्खो, सैई पवित्र आत्मा ते बपतिस्मा देणे औल़ा।’

यूहन्ना 7:38

सै जे माह पर विश्वास करगा, तियां जे पवित्रशास्त्र बोलां तिसरे दिला ते जीवना रे पाणिये री नदियां बैहणे लगी जाणियां।”

प्रेरितां 1:5

काँह्भई यूहन्ने त पाणिये च बपतिस्मा दित्तिरा, पर थोड़यां दिना ते बाद परमेशरा तुहां च वास करने खातर पवित्र आत्मा भेजणा।”

प्रेरितां 10:44

पतरस ये गल्लां गलाया इ कराँ था भई पवित्र आत्मा वचना रे सब सुणने औल़यां परा उतरी गया।

प्रेरितां 2:33

इयां इ परमेशरा रे सज्जे हत्था ते सब्बींते ऊच्ची जगह पाईने, कने पिता ते सै पवित्र आत्मा पाईने तिसरी प्रतिज्ञा जे कित्तिरी थी, तिने ये भेज्जी दित्तिरा सै जे तुहें देख्या कने सुणया रायें।

1 कुरिन्थियों 12:13

काँह्भई अहें सब्बीं क्या यहूदी, क्या यूनानी, क्या दास, क्या अजाद, इक्की आत्मा रे जरिये इक देह हुणे रे खातर बपतिस्मा लैया, कने अहें सब्बीं इक इ आत्मा पाईरा।