लूका 24:47 - बिलासपुरी नौआं नियम

⁴⁷ कने यरूशलेम ते लेईने सारियां जातियां च मन फिराणे रा कने पापां रिया माफिया रा प्रचार, तिसरे इ नौआं ते कित्या जाणा।

लूका 24:47 ပူးပေါင်းရင်းမြစ်များ

मत्ती 28:19

इस खातर तुहें जाईने सारी जातियां रे लोकां जो चेला बणावा; कने तिन्हांजो पिता, पुत्र, कने पवित्र आत्मा रे नौआं ते बपतिस्मा देआ,

मत्ती 3:2

“अपणे पापां ते मन फिरावा, काँह्भई परमेशरा रा राज नेड़े आईगरा।”

मत्ती 9:13

इस खातर तुहें जाईने इसरा मतलब सिक्खी लौआ, भई हऊँ बलिदान नीं चाहन्दा पर दया चाँह; काँह्भई हऊँ धर्मियां जो नीं, पर पापियां जो सदणे आईरा।”

लूका 13:34

“अरे यरूशलेम रे लोको तुहें सै जे अपणे इ भविष्यवक्तयां रा खून कराँ, कने परमेशरा रा सन्देशा लौणे औल़यां जो तू पत्थर माराँ! जिस तरिके ने कुकड़ी अपणे बच्चयां जो अपणे फंगां हेठ ढक्कीने हिफाज़त कराँ इ, मैं बी कितणी बार चाहया भई तिस इ तरिके ने तेरे बच्चयां जो बी कट्ठा करूँ, पर तैं मिन्जो येढ़ा करने नीं दित्या।

प्रेरितां 10:43

तिसरे सब भविष्यवक्ता गवाही देआंये भई जो कोई तिस पर विश्वास करगा, तिस्सो तिसरे नौआं रे जरिये पापां री माफी मिलणी।”

प्रेरितां 11:18

येढ़ा सुणी ने यहूदी विश्वासी चुप रै, कने परमेशरा री बडयाई करीने बोलणे लगे, “तां परमेशरे अन्यजातियां जो बी अनन्त जीवना खातर मन फराणे रा दान दित्तिरा।”

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

प्रेरितां 20:21

पर यहूदी कने यूनानी लोकां रे सामणे गवाही देन्दा रैया भई परमेशरा खौ मन फिरावा कने अहांरे प्रभु यीशु मसीह पर विश्वास करना चाहिन्दा।

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

प्रेरितां 26:20

पर पैहले दमिश्क नगरा रे, फेरी यरूशलेम रे रैहणे औल़यां जो, फेरी यहूदिया रे सारे देशा च कने अन्यजातियां जो प्रचार कित्या, भई मन फिराणे कने परमेशरा खौ मुड़ीने मन फिराणे रे लायक काम्म करा।

प्रेरितां 28:28

इस खातर तुहें जाणो भई परमेशरा रे इस छुटकारे री कथा अन्यजातियां ले भेज्जी गईरी, कने तिन्हां ग्रहण करनी।”

प्रेरितां 3:19

इस खातर, मन फिरावा कने वापस आई जावा भई तुहांरे पाप माफ कित्ते जाओ, तिसते जे प्रभुये रे सामणे तसल्लिया ने रमान्ना रे दिन आओ,

प्रेरितां 4:12

कने किसी दुज्जे ते छुटकारा निआं; काँह्भई सारे संसारा च यीशुये ते इलावा होर कोई दुज्जा नौं नीं दित्तिरा, भई तिसते जे अहांजो छुटकारा मिली सक्को।”

प्रेरितां 5:31

परमेशरे यीशुये जो स्वर्गा च सद्दीने सब्बींते ऊच्चे औहदे पर बठाल़या, तिने तिस्सो अधिकार दित्या ताकि सै अहांरा छुटकारा करीने अहां पर राज करो। परमेशरे येढ़ा इस खातर कित्या भई अहें इस्राएली अपणे पापां ते मन फिराई लो ताकि सै अहांजो कने अहांरे पापां जो माफ करी दो।

रोमियो 5:20

व्यवस्था इस खातर दित्ति गई ताकि सारे लोकां जो पता चली जो भई सै कितणे पापी थे। पर तियां जे लोकें जादा ते पाप कित्ते तियां इ परमेशरा रा अनुग्रह तिसते बी कई मान जादा हुया,

इफिसियां 1:6

ताकि अहें तिसरे महान अनुग्रह रे खातर तिसरी प्रशंसा करिये। तिने ये अनुग्रह अहौं अपणे प्यारे पुत्रा च मुफ्ता च दित्तिरा।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

1 यूहन्ना 2:12

प्यारे बच्चो, हऊँ तुहांजो इस खातर लिखिराँ, काँह्भई यीशु मसीह रिया बजह ने तुहांरे पाप माफ हुईरे।