लूका 24:41 - बिलासपुरी नौआं नियम

⁴¹ सै खुशिया कने हैरानिया ने भरीगे, पर तिन्हाजो तां बी विश्वास नीं हुई करदा था। फेरी यीशुये तिन्हाते पुच्छया, “क्या तुहांले खाणे जो किछ हाया?”

लूका 24:41 ပူးပေါင်းရင်းမြစ်များ

मरकुस 16:11

कने चेलेयां ये सुणीने भई यीशु जिऊंदा कने मरियमे तिस्सो देखीरा, सच्च नीं मन्नया।

मरकुस 16:13

तिन्हे वापस यरूशलेम नगरा च जाईने होरसीं जो ये खबर सुणाई, पर तिन्हे बी तिन्हांरा सच्च नीं मन्नया।

मरकुस 16:14

फेरी यीशु तिन्हां ग्याराँ चेलयां जो बी दुस्या, तंजे सै रोटी खाणे बैठिरे थे। तिने लोकां रे लगातार विश्वास करने जो नकारने कने ढिठाईया पर ल़ुहामा दित्या, काँह्भई तिन्हेंजे तिसजो मुड़दयां चते जिऊंदा हुणे ते बाद देख्या था, तिन्हें बी तिसरा विश्वास नीं कित्या।

मरकुस 8:7

तिन्हांले थोड़ियां छोट्टियां मच्छियां बी थिआं; तिने परमेशरा रा धन्यवाद करीने तिन्हांजो बी लोकां जो देणे रा हुक्म दित्या।

लूका 24:11

पर तिन्हांरियां गल्लां तिन्हांजो कहाणिया साई लगियां, कने तिन्हें तिन्हांरी ये गल्ल सच्च नीं मन्नी।

लूका 24:40

ये बोल्लीने यीशुये अपणे हत्थ तिन्हाजो दसणे खातर अग्गे कित्ते, कने तिन्हे अपणे पैर बी दस्से।

लूका 24:42

तिन्हे यीशुये जो भुन्नी रिया मच्छीया रा इक टुकड़ा दित्या,

यूहन्ना 16:22

ठीक इयां इ हुण तुहांजो बी दुख हुणा: पर मांह तुहांजो फेरी मिलणा, कने तुहांरे दिल खुशियां ने भरी जाणे, कने तुहांजो तिसा खुशिया जो मनाणे ते कोई बी रोकी नीं सकदा।

यूहन्ना 21:5

फेरी यीशुये तिन्हांजो पुच्छया, “बच्चो! क्या तुहांले मच्छियां हईयां?” तिने जबाब दित्या, अहांले निआं।

प्रेरितां 12:14

पतरसा री अवाज़ पछयाणी ने तिसे खुशिया री मारीये फाटक नीं खोल्या, पर दौड़ीने अन्दरा जो गई कने दस्या भई पतरस दरवाजे पर खढ़िरा।