लूका 24:25 - बिलासपुरी नौआं नियम

²⁵ यीशुये तिन्हां दुईं माहणुआं ने गलाया, “तुहें कितणे मूर्ख लोक ये! पवित्रशास्त्रा च भविष्यवक्तयां सै जे लिखिरा, तिस पर तुहांजो विश्वास करना कितना मुश्कल हुआं?

लूका 24:25 ပူးပေါင်းရင်းမြစ်များ

मत्ती 26:24

माहणुये रे पुत्रा त मरना इ हाया, तियां जे भई पवित्र शास्त्रा च तिसरे बारे च लिखिरा, पर तिसजो भयानक सजा भुगतणे पौणी सै जे माहणुये रे पुत्रा जो पकड़वां : तिस माहणुये रे खातर भला था भई तिसरा जन्म इ नीं हुईरा हुन्दा।”

मरकुस 16:14

फेरी यीशु तिन्हां ग्याराँ चेलयां जो बी दुस्या, तंजे सै रोटी खाणे बैठिरे थे। तिने लोकां रे लगातार विश्वास करने जो नकारने कने ढिठाईया पर ल़ुहामा दित्या, काँह्भई तिन्हेंजे तिसजो मुड़दयां चते जिऊंदा हुणे ते बाद देख्या था, तिन्हें बी तिसरा विश्वास नीं कित्या।

मरकुस 7:18

यीशुये चेलयां ने गलाया, “क्या तुहें बी येढ़े नासमझ ये? क्या तुहें नीं समझदे भई सै चीज़ जे माहणु खां, सै तिस्सो अपवित्र नीं करी सकदी?

मरकुस 9:19

ये सुणीने यीशुये तिन्हांजो जवाब देईने गलाया, “इस जुगा रे अविश्वासी लोको, हऊँ कितणे वगता तक तुहां सौगी रैहन्गा? कने कदुआं तक तुहांरी सैहन्गा? तिस मुण्डुये जो मेरले ल्यावा।”

लूका 24:24

अहांरे साथियां चा ते किछ दौड़दे हुए कब्रा पर गये, कने तेढ़ा जे तिन्हे जनाने बोल्लीरा था तिन्हाजो बी यीशुये रा शव नीं मिलया।”

यूहन्ना 5:39

तुहें पवित्रशास्त्रा च टोल़ां ये, काँह्भई तुहें समझां ये भई तिसच तुहांजो अनन्त जीवन मिलां, पर ये सारे पवित्रशास्त्र मेरी इ गवाही दें;

1 कुरिन्थियों 15:3

इस वजह ते मैं तुहांजो बौहत खास सन्देश दस्या, सै जे मिन्जो मिलया। सै सन्देश येआ: पवित्रशास्त्रा रे मुतावक यीशु मसीह अहांरे पापां रे खातर मरया,