लूका 23:6 - बिलासपुरी नौआं नियम

⁶ येढ़ा सुणीने पिलातुसे पुच्छया, “क्या ये माहणु गलील प्रदेशा रा?”

लूका 23:6 ပူးပေါင်းရင်းမြစ်များ

मत्ती 26:69

पतरस हल्तियें बाहर अंगणा च इ नीचे बैठिरा था भई इक दासी तिसले आई कने गलाया, “तू बी त तिस गलीली यीशुये सौगी था।”

लूका 13:1

तिस वगत किछ लोक, सै जे ऊथी थे तिन्हें यीशुये जो इसा गल्ला रे बारे च दस्या भई ताहली जे गलील प्रदेशा रे किछ लोक यरूशलेम रे मन्दरा च अपणे पाल़ी रे पशुआं री बल़ि देई कराँ थे, ताहली पिलातुस राजपाले पशुआं रिया बल़िया सौगी तिन्हारा बी खून बहाया था।

लूका 23:5

पर सै इकदम बोलणे लगे, भई “इने सारे यहूदिया प्रदेशा च लोकां जो अपणे उपदेशां ने भड़काया। ये इने गलील प्रदेशा च शुरु कित्या था कने हुण येत्थी आईग्या।”

लूका 23:7

ताहली जे तिन्हे तिस्सो हाँ करदे हुये सुणया, फेरी पिलातुसे तिन्हाजो हेरोदेस अन्तिपास ले भेज्या। काँह्भई गलील प्रदेशा रा राजा हेरोदेसा रे अधिकारा च था, कने तिन्हे दिनें सै बी यरूशलेम ची था।

प्रेरितां 5:37

तिसते बाद नौं लिखे जाणे रे दिनां च गलील निवासी यहूदा आया, कने किछ लोक अपणे खा जो करी ले; सै बी खत्म हुई गया कने जितने लोक तिस्सो मन्नां थे, सब उरे-परे हुईगे।