लूका 23:4 - बिलासपुरी नौआं नियम

⁴ फेरी पिलातुस मुखियायाजकां कने लोकां खा मुड़ीने गलाया, “मिन्जो इस माहणुये च कोई बी दोष नीं दिखदा।”

लूका 23:4 ပူးပေါင်းရင်းမြစ်များ

मत्ती 27:19

पिलातुस ताहली जे न्याय रे आसणा पर बैठिरा था तां तिसरिये जनाने तिसले इक संदेशा भेज्या, “तिस सिधे-साधे कने सच्चे माहणुये सौगी किछ बी देखां करदा, काँह्भई मैं तिसरे बारे च इक सपना देख्या तिसरे कारण आज्ज हऊँ बौहत बेचैन रैई।”

मरकुस 15:14

पिलातुसे तिन्हांने गलाया, “कां, यीशुये तुहांरा क्या बुरा कित्तिरा?” पर सै होर जोरा ने रड़ाये, “इस्सो क्रूसा पर चढ़ाओ !”

लूका 23:22

पिलातुसे तिज्जी दफा तिन्हाते पुच्छया, कांह? “इने माहणुये क्या जुरम कीतिरा? इस्सो मौता री सजा देणे लायक मिन्जो इसच येढ़ि कोई गल्ल नीं मिली। इस खातर माह इसजो सिर्फ कोड़े लवाई ने छडी देणा।”

यूहन्ना 18:38

पिलातुसे तिस्सो पुच्छया, सच्च क्या? कने ये बोलीने, पिलातुस बाहर आईने यहूदी अगुवेयां ले गया, कने तिन्हांने बोल्या हऊँ तिसच कोई खोट नीं कड्डी सक्कया।

प्रेरितां 25:25

पर मैं जाणी लया भई इने येढ़ा किछ नीं कित्तिरा भई मारीत्या जाओ; कने तां जे भई तिने खुद बादशाह री दोहाई दित्ति, तां मैं पौलुसा जो रोम नगरा जो भेजणे रा फैसला कित्या।

प्रेरितां 3:13

अब्राहम कने इसहाक कने याकूब रे परमेशर, कने अहांरे पूर्वजां रे परमेशरे अपणे सेवक यीशु री महिमा कित्ती, तिस्सो जे तुहें यहूदी अगुवेयां ले मारने जो पकड़वाईत्या। ताहली जे राजपाल पिलातुसे तिस्सो छडणे रा बचार कित्या, तां तुहें तिसरे सामणे तिसरा इन्कार कित्या।

इब्रानियों 7:26

इस खातर येढ़ा महायाजक अहां रियां जरूरतां जो पूरा कराँ, सै जे पवित्र, निष्कपट, कने निर्मल आ, कने पापियां ते लग आ, कने तिस्सो जे परमेशर स्वर्गा च लेईग्या।

1 पतरस 1:19

पर निर्दोष कने कलंक रहित मेमने यनि मसीह रे कीमती खून्ना ते हुई।

1 पतरस 2:22

पवित्रशास्त्र बोलां, मसीहे कदी कोई पाप नीं कित्या, कने तिने कदीं कोई झूठ नीं बोल्या।

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।