लूका 23:2 - बिलासपुरी नौआं नियम

² सै यीशुये पर इल्जाम लगाणे लगे, “ये माहणु अहांरे लोकां जो बहकाणे लगीरा, ये तिन्हारे राजे कैसरा जो कर देणे ते मना कराँ! कने ये येढ़ा दावा कराँ भई हऊँ मसीह आ, कने अप्पूँजो इक राजा बोलदे हुये सुणया।”

लूका 23:2 ပူးပေါင်းရင်းမြစ်များ

मत्ती 17:27

पर अहां रिया बजह ने सै लोक नराज नीं हो इस खातर नदिया पर जा कने अपणा कांटा पाणिये च पा कने फेरी सै जे पैहली मच्छी निकल़ो, तिसारा मुँह खोल्यां तिज्जो इक चान्दिया रा सिक्का मिलणा, तिसजो लेईने मेरा कने अपणा कर चुकाई देआं।”

मत्ती 22:21

तिन्हे तिसने गलाया, “रोम रे बादशाह रा।” फेरी यीशुये तिन्हाजो गलाया, “अच्छा तां फेरी सै जे बादशाह रा, तिस्सो बादशाह जो देआ, कने सै जे परमेशरा रा, तिस्सो परमेशरा जो देआ।”

मत्ती 27:11

इस दौरान यीशु राजपाला रे सामणे पेश हुया तां राजपाले तिसते पुच्छया, “क्या तू यहूदियां रा राजा?” यीशुये तिसने गलाया, “तू खुद बोलीराँ।”

मरकुस 12:17

यीशुये तिन्हाजो गलाया, “सै जे रोमी सरकारा रा यनि बादशाह कैसरा रा, सै कैसरा जो देओ, कने सै जे परमेशरा रा सै परमेशरा जो देओ।” तां सै तिस पर बौहत हैरान हुणे लगे।

मरकुस 15:2

पिलातुसे तिसते पुच्छया, “क्या तू यहूदियां रा राजा?” तिने तिस्सो जवाब दित्या, “तू अप्पूँ इ गलाया राँ।”

लूका 23:14

“तुहें इस माहणुये जो मेरले ल्याये भई ये लोकां जो बहकाया राँ, कने देक्खा, मैं तुहांरे सामणे तिसरी जाँच कित्ती, पर तिन्हां गल्लां रा जे तुहें तिस पर इल्जाम लाया रायें, तिन्हां गल्लां रे बारे च मैं तिसच कोई बी दोष नीं पाया;

लूका 23:5

पर सै इकदम बोलणे लगे, भई “इने सारे यहूदिया प्रदेशा च लोकां जो अपणे उपदेशां ने भड़काया। ये इने गलील प्रदेशा च शुरु कित्या था कने हुण येत्थी आईग्या।”

यूहन्ना 18:29

इस खातर राजपाल पिलातुस बाहर आईने तिन्हांने मिलया कने बोल्या, “इस माहणुये रा क्या दोष आ?”

यूहन्ना 18:30

तिन्हें जबाब दित्या, “जे ये अपराधी नीं हुंदा, तां अहें इस्सो तेरे हवाले नीं करदे।”

यूहन्ना 19:12

ये सुणीने पिलातुस यीशुये जो छडणे री होर बी कोशिश करने लगया। यहूदी लोक चिखणे इ लगीगे, जे तैं इस्सो छडया तां तू बादशाह कैसरा रा मित्र निआं, सै जे अप्पूँजो राजा हुणे रा दावा करो, तां सै कैसरा रा बरोधी आ।

प्रेरितां 24:13

कने नां तां सै तिन्हां गल्लां जो, तिन्हांरे बारे च जे सै हुण मेरे पर दोष लाया रायें, तेरे सामणे तिन्हांजो सच साबित करी सक्कां ये।”

प्रेरितां 24:5

काँह्भई अहें इस माहणुये जो इक उत्पात मचाणे औल़ा पाया। सारी दुनिया रे बौहत सारे यहूदी लोकां इने दंगे भड़काईरे, कने ये नासरियां रे कुपंथा रा मुखिया।

रोमियो 13:7

जिस किसी माहणुये री देणदारी जे तिज्जो देणे जोई, तिसजो तू चुकता कर; सै टैक्स जे तिज्जो देणे जोआ, तिस्सो दे। तिसरी चुंगी जे तूह पर निकल़ां इ, तिसजो चुंगी दे; तू सब अधिकारियां रे प्रति आदर दास्स।