लूका 22:41 - बिलासपुरी नौआं नियम

⁴¹ सै चेलयां ते थोड़े जे दूर गया कने गोडयां रे भार प्राथना करने लगया,

लूका 22:41 ပူးပေါင်းရင်းမြစ်များ

मत्ती 26:39

फेरी थोड़ा अग्गे खिसकणे ते बाद सै मुँआं रे भार पैईने, प्राथना करने लगया, “हे मेरे पिता, जे हुई सक्को तां माह पर ये दुख नीं औणे दे, तां बी तेढ़ा जे हऊँ चाँह तेढ़ा नीं, पर तियां जे तू चाँह तियां इ ओ।”

मरकुस 14:35

फेरी सै थोड़ा अग्गे बधीने, धरतिया पर गोडयां रे भार प्राथना करने लगया, भई जे हुई सक्को तां दुखा री ये घड़ी मेरे परा ते, टल़ी जाओ,

लूका 18:11

फरीसी कल्हा खड़ा हुईने अपणे मना च इयां प्राथना करने लगया, भई परमेशर, हऊँ तेरा धन्यवाद कराँ, काँह्भई हऊँ दुज्जेयां लोकां साई अन्धेर करने औल़ा चोर, ठग कने पापी, निआं, खास कर इस चुंगी लेणे औल़े साई, सै जे ऊत्थी खढ़िरा! मैं कदीं किसी जो धोखा नीं दित्या, हऊँ पाप नीं करदा, कने नां हऊँ ब्याभिचार कराँ,

लूका 18:13

पर तिने चुंगी लेणे औल़े माहणुये दूर खड़ा हुईने, स्वर्गा खौ देखणा बी नीं चाहया बजाय इसरे, सै अपणी छात्तिया पिटदे-पिटदे बड़ा दुखी हुईने बोलणे लगया, “हे परमेशर, माह पर दया कर, काँह्भई हऊँ पापी आ।

प्रेरितां 20:36

येढ़ा बोलीने तिने गोडे टेक्कीने तिन्हां सब्बीं सौगी प्राथना किति।

प्रेरितां 21:5

ताहली जे सै दिन पूरे हुईगे, तां अहें तित्थी ते चलीपे; कने जनानां कने बालकां समेत तिन्हें अहांजो नगरा ते बाहरा तका पहुँचाया; कने अहें कनारे पर गोडे टेक्कीने प्राथना किति,

प्रेरितां 7:60

फेरी गोडे टेक्कीने उचिया अवाज़ा च हाक पाई, “प्रभु, इस पापा खातर इन्हांजो माफ कर।” इसते बाद येढ़ा बोलीने सै मरीग्या।

प्रेरितां 9:40

तां पतरसे सब्बीं जो बाहर कड्डी त्या, कने गोडयां टेक्कीने प्राथना किति कने लाशा खौ देखीने गलाया, “हे तबीता, उट्ठ।” तां तिसे अपणिया आक्खीं खोली तियां; कने पतरसा खौ देखीने उट्ठीने बैठिगी।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।