लूका 22:36 - बिलासपुरी नौआं नियम

³⁶ फेरी यीशुये गलाया, “पर हुण लोक अहांरे बरोधा चे, इस खातर अप्पूँ सौगी झोल़ी कने पैसे रखी लौआ कने जे किसी ले तलवार नीं तां सै अपणा कोट बेच्चीने इक तलवार खरीदी लो!

लूका 22:36 ပူးပေါင်းရင်းမြစ်များ

मत्ती 10:10

रस्ते खातर न कोई झोल़ा रक्खयों, कोई फालतू कमीज, चप्पल़ कने सोट्ठी मत रखा, काँह्भई मजदूरा जो तिसरी रोटी मिलणी चाहिन्दी।

लूका 22:35

फेरी यीशुये अपणे चेलयां ते पुच्छया, “जिस वगत मैं तुहांजो खुशखबरिया रा प्रचार करने खातर बाहर भेज्या, कने तुहांले पैसा नीं था, झोल़ी नीं थी, कने नांत कपड़यां री कोई होर जोड़ी थी; तां क्या तुहांजो किसी चीज़ा री कमी महसूस हुई?” तिन्हे गलाया, “किसी बी चीज़ा री नीं।”

लूका 22:37

काँह्भई हऊँ तुहांजो दस्सां भई पवित्रशास्त्रा च सै जे लिखिरा : तिस्सो अपराधियां ने सौगी गिणया गया, ये मेरे बारे च कित्ती री भविष्यवाणी थी, हुण तिसारा मांह् च पूरा हूणा जरूरी आ; काँह्भई मेरे बारे च सै जे किछ लिखिरा, सै सब किछ पूरा हूणा।”

लूका 22:38

चेलयां गलाया, “प्रभु, अहांले येत्थी दो तलवारां इयां।” यीशुये तिन्हाने गलाया, “बौहत इयां!”

यूहन्ना 15:20

मेरी गलाई रियां गल्लां जो याद रखा भई ‘इक दास अपणे मालका ते बडा निआं।’ इस खातर जे तिन्हें मिन्जो सताया तां तिन्हां तुहांजो बी सताणा; जे तिन्हें मेरा उपदेश मन्नया, तां तिन्हां तुहांरियां गल्लां बी मनणियां।

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

1 थिस्सलुनीकियां 3:4

काँह्भई शुरु च, ताहली जे अहें तुहांले थे, तुहांजो बोलां थे भई अहां पर कल़ेश औणे औल़े, कने ये ठीक तियां इ हुया बी आ, तुहें त ये जाणदे इ हाये।

1 पतरस 4:1

इस खातर ताहली जे भई मसीहे अपणे शरीरा च दुख सैया, तां तुहें बी हथियारा साई तिसा मनसा जो धारण करा, काँह्भई तिने जे शरीरा च दुख सैईरा, तिने पापां जो त्यागी तरा।