लूका 22:34 - बिलासपुरी नौआं नियम

³⁴ फेरी यीशुये तिसने गलाया, “पतरस, हऊँ तेरने बोलां भई तदुआं तक जे तू तिन्न बार मेरा इन्कार नीं करी लेंगा भई हऊँ तिस्सो नीं जाणदा, तदुआं तक आज्ज कुकड़ा बांग नीं देणी।”

लूका 22:34 ပူးပေါင်းရင်းမြစ်များ

मत्ती 26:34

यीशुये तिसने गलाया, “हऊँ तेरने सच्च बोलां आज्ज इसा राति कुकड़ा रे झांग देणे ते पैहले तू तिन्न बार मेरा इन्कार करना।”

मत्ती 26:74

फेरी सै अप्पूँजो धिक्कारने कने सगन्द खाणे लगया: “हऊँ तिस माहणुये जो नीं जाणदा।” तिस इ बगत कुकड़े झांग दित्ति।

मरकुस 14:30

यीशुये पतरसा ने गलाया, “हऊँ तेरने सच बोलां भई आज्ज इ इसा राति जो कुकड़ा रिया दो बारी झांग देणे ते पैहले, तू तिन्न बार मेरा इन्कार करना।”

लूका 22:33

पर पतरसे बोल्या, “प्रभु जी, हऊँ तेरे खातर जेल्ला जाणे जो त्यार आ, कने येत्थी तक भई तेरे सौगी मरने रे खातर बी त्यार आ।”

लूका 22:35

फेरी यीशुये अपणे चेलयां ते पुच्छया, “जिस वगत मैं तुहांजो खुशखबरिया रा प्रचार करने खातर बाहर भेज्या, कने तुहांले पैसा नीं था, झोल़ी नीं थी, कने नांत कपड़यां री कोई होर जोड़ी थी; तां क्या तुहांजो किसी चीज़ा री कमी महसूस हुई?” तिन्हे गलाया, “किसी बी चीज़ा री नीं।”

लूका 22:61

तिसा इ घड़िया प्रभुये पतरसा खा जो मुड़ीने देख्या, फेरी तिस्सो याद आया भई प्रभुये गलाया था, “आज्ज ताहली जे कुकड़ा झांग देणी, ताहलुआं तक तिन्न दफा तू मेरा इन्कार करी चुक्कया हूणा।”

यूहन्ना 13:38

यीशुये जवाब दित्या, “क्या मेरे खातर अपणा प्राण देंगा? हऊँ तेरने सच बोलां भई कुकड़ा झांग नीं देणी तदुआं तक जे तूं तिन्न बार मेरा इन्कार नीं करी लेंगा।”

यूहन्ना 18:27

तां फेरी भीं पतरसे नां दईती। कने ताहलूं इ कुकड़े झांग दईती।